قر ساۋدا جانە ينتەگراتسيا ءمينيسترىنىڭ بۇيرىعىمەن ءنوپىروۆ جانىبەك ماقسۇت ۇلى قازاقستان رەسپۋبليكاسى ساۋدا جانە ينتەگراتسيا مينيسترلىگى اپپاراتىنىڭ باسشىسى قىزمەتىنە تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى حابارلايدى.
جانىبەك ءنوپىروۆ 1980 جىلى قوستاناي وبلىسىندا تۋعان. 2001 جىلى قازتۇتىنۋوداعى قاراعاندى ەكونوميكالىق ۋنيۆەرسيتەتىن, 2005 جىلى قاراعاندى «بولاشاق» وزەكتى ءبىلىم بەرۋ ينستيتۋتىن, 2010 جىلى رەسەي فەدەراتسياسى ۇكىمەتى جانىنداعى حالىق شارۋاشىلىعى اكادەمياسىن بىتىرگەن. ەڭبەك جولىن 1999 جىلى استانا قالاسى بويىنشا قازىناشىلىق باسقارماسىنىڭ تولەمدەردى رەتتەۋ جانە باقىلاۋ ءبولىمىنىڭ اعا قازىناشىسى قىزمەتىنەن باستادى.
2000-2001 جج. — استانا قالاسى بويىنشا قازىناشىلىق باسقارماسىنىڭ جەتەكشى قازىناشىسى, باس قازىناشىسى.
2001 جىلدان 2006 جىل ارالىعىندا قارجى مينيسترلىگىنىڭ قۇرىلىمىندا باس ماماننان باستاپ باسقارما باستىعىنا دەيىن ءتۇرلى لاۋازىمداردى اتقاردى. 2006-2007 جج. — قر ستاتيستيكا اگەنتتىگىنىڭ ىشكى اكىمشىلىك دەپارتامەنتى ديرەكتورىنىڭ ورىنباسارى.
2007-2008 جج. — قر قم مەملەكەتتىك بيۋدجەتتىڭ اتقارىلۋىن تالداۋ جانە ادىستەمەسى دەپارتامەنتى ديرەكتورىنىڭ ورىنباسارى. 2008-
2010 جج. — ەكونوميكا جانە بيۋدجەتتىك جوسپارلاۋ مينيسترلىگىنىڭ ەكونوميكالىق ساياسات جانە بولجاۋ دەپارتامەنتى ديرەكتورىنىڭ ورىنباسارى, كورپوراتيۆتىك دامۋ دەپارتامەنتى ديرەكتورىنىڭ ورىنباسارى, ديرەكتورى.
2010-2013 جج. رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ قۇرىلىمىندا جۇمىس ىستەدى. 2013-2019 جج. — قر پرەزيدەنت اكىمشىلىگى ءبولىمىنىڭ كونسۋلتانتى, سەكتور مەڭگەرۋشىسى.
2019-2021 جج. — قر ساۋدا جانە ينتەگراتسيا مينيسترلىگىنىڭ جاۋاپتى حاتشىسى.