سپورت جانە تۋريزم اكادەمياسىنىڭ پرەزيدەنتى قايرات زاكيريانوۆتىڭ كابينەتىندەگى قار بارىسىنىڭ تەرىلەرى قازاقستاندىقتاردىڭ اشۋىن تۋدىردى. ەكولوگيا, گەولوگيا جانە تابيعي رەسۋرستار مينيسترلىگى وسى جاعدايعا قاتىستى پىكىر ءبىلدىردى, - دەپ حابارلايدى Egemen.kz
تابيعات قورعاۋشى ساكەن دىلداحمەت Facebook پاراقشاسىندا وسى سۋرەتتەردى جاريالاپ, قازاقستاننىڭ ەكولوگيا, گەولوگيا جانە تابيعي رەسۋرستار مينيسترلىگىنەن قايرات زاكيرنوۆتا قىزىل كىتاپقا ەنگەن جانۋارلاردىڭ تەرىسى قايدان پايدا بولدى دەگەن سۇراققا جاۋاپ بەرۋىن سۇرادى.
ەكولوگيا, گەولوگيا جانە تابيعي رەسۋرستار مينيسترلىگىنىڭ وكىلى وسى جاعدايعا قاتىستى پىكىر ءبىلدىردى.
«بۇل سۋرەتتەر ءبىزدىڭ اشۋىمىزدى تۋدىردى. بۇعان جول بەرۋگە بولمايدى. ءبىزدىڭ ورتاق مىندەتىمىز - قىزىل كىتاپقا ەنگەن جانۋارلاردىڭ سانىن قورعاۋ جانە ساقتاۋ, ولاردى تۇرمىستىق زات رەتىندە پايدالانباۋ. سۋرەتتەردە قار بارىسىنىڭ, سىلەۋسىننىڭ جانە ارىستاننىڭ تەرىسى بەينەلەنگەنىنە نازار اۋداردىق. قازاقستاندا ارىستاندار جوق. سوندىقتان فوتوسۋرەتتەردىڭ قاي جەردە تۇسىرىلگەنىن انىقتاۋ كەرەك – ءبىزدىڭ ەلدە مە نەمەسە شەتەلدە مە», دەدى ۆەدومستۆونىڭ ءباسپاسوز حاتشىسى سامال يبراەۆا.