شىمكەنت قالاسى پوليتسيا دەپارتامەنتىنىڭ قىزمەتكەرلەرى ءموبيلدى توپپەن بىرلەسىپ كاسىپكەرلىك وبەكتىلەرىندە كارانتين رەجيمىنىڭ ساقتالۋىن باقىلاۋ بويىنشا تۇراقتى نەگىزدە رەيدتىك ءىس-شارالار وتكىزەدى. كەزەكتى رەيد بارىسىندا پوليتسەيلەر شىمكەنت قالاسىنىڭ باس مەملەكەتتىك سانيتارلىق دارىگەرىنىڭ قاۋلىسىنىڭ تالاپتارىن ساقتاماي جۇمىس ىستەگەن قازىبەك بي كوشەسىندە ورنالاسقان “FC” كوميۋتەرلىك كلۋبىن انىقتادى, دەپ حابارلايدى Egemen.kz Polisia.kz سايتىنا سىلتەمە جاساپ.
اتالعان جايت بويىنشا جيناقتالعان ءىس-قۇجاتتار كارانتين رەجيمىن ساقتاماعانى ءۇشىن قۇقىق بۇزۋشىعا قاتىستى قر اقبتك-ءنىڭ 425-بابى (حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردى بۇزۋ) بويىنشا زاڭدى شارا قابىلداۋ ءۇشىن تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جولداندى.