ەلوردالىق پوليتسەيلەر كوپىردەن سەكىرمەك بولعان ەر ادامدى قۇتقارىپ قالدى, دەپ حابارلايدى Egemen.kz نۇر-سۇلتان قالاسى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
دەپارتامەنت مالىمەتىنشە, كەشە كەشكى ساعات 19:15 كەزىندە نۇر-سۇلتان قالاسىنىڭ جەدەل باسقارۋ ورتالىعىنا كولىككە جانارماي قۇيۋ ستانساسىنىڭ قاسىنداعى كوپىردەن ەر ادامنىڭ سەكىرۋگە ارەكەتتەنىپ تۇرعانى تۋرالى حابارلاما كەلىپ تۇسكەن. بۇدان سوڭ پاترۋلدىك پوليتسيانىڭ ەكى ەكيپاجى وقيعا ورنىنا ءۇش مينۋتتا كەلىپ جەتكەن.
«جاس جىگىت كوپىر تايانىشىن ۇستاپ, تەمىر جولعا سەكىرۋگە دايىندالىپ تۇردى. جاعدايدى باعالاعان پوليتسەيلەر جىگىتپەن الىستان سويلەسىپ, كوڭىلىن باسقاعا اۋدارماق بولدى. وسى ۋاقىتتا پاترۋلدىك پوليتسيا قىزمەتكەرى جاندوس تۇراشەۆ وڭتايلى ءساتتى پايدالانىپ, جىگىتكە جاقىنىراق كەلىپ, ونى قاتتى قاپسىرىپ ۇستاپ الدى. جاس جىگىت قارسىلىق تانىتىپ, باستاعان ءىسىن اياقتاماق بولعان. پوليتسەيلەردىڭ جەدەل ءارى رەتكە كەلتىرىلگەن ءىس-ارەكەتىنىڭ ارقاسىندا ەر ادامنىڭ ءومىرى امان قالدى», دەلىنگەن حابارلامادا.
26 جاستاعى تۇرعىن قالالىق اۋرۋحاناعا جەتكىزىلگەن, وندا وعان مەديتسينالىق جانە پسيحولوگيالىق كومەك كورسەتىلدى.