اتىراۋ وبلىسى بويىنشا قىلمىستىق-اتقارۋ جۇيەسى دەپارتامەنتىنە قاراستى پروباتسيا قىزمەتىنىڭ ەسەبىندە تۇرعان سوتتالعان ازامات ەرىكتىلەر قاتارىنا قوسىلىپ, حالىقتىڭ العىسىنا بولەنىپ ءجۇر, دەپ حابارلايدى Egemen.kz Polisia.kz سايتىنا سىلتەمە جاساپپ.
الاياقتىق قىلمىسى ءۇشىن ەكى جىل التى اي مەرزىمگە سوتتالعان ازامات اتىراۋدا كوروناۆيرۋس ينفەكتسياسى ءورشىپ تۇرعان كەزدە وبلىستىق اۋرۋحانادا ەرىكتىلەر قاتارىندا جاعدايى اۋىر ناۋقاستارعا كومەكتەسكەن. ول قازىر دە ەرىكتىلىكتەن قول ۇزبەي, جاعدايى تومەن وتباسىلارعا كومەكتەسەدى.
«جاز ايلارىندا وبلىستىق اۋرۋحانادا وتتەگى باللوندارىن تاسىپ, ناۋقاستارعا قارايلاستىق. كوروناۆيرۋستان قورىقپاي, ۇلكەن كىسىلەرگە جاردەمدەسۋ – ازاماتتىق بورىشىم دەپ بىلەمىن», دەيدى 36 جاستاعى سوتتالعان ازامات.
ول جاڭا جىل قارساڭىندا وزگە دە ەرىكتىلەرمەن بىرىگىپ, ناۋقاس بالالار مەن جاعدايى تومەن وتباسىلارعا سىيلىق تاراتقان.