الماتى وبلىسى كوكسۋ اۋدانى مامبەت اۋىلىندا قازاقستاننىڭ ەڭبەك سىڭىرگەن قايراتكەرى, «تاقيالى پەرىشتە» فيلمىندە باستى ءرولدى سومداعان الىمعازى رايىمبەكوۆپەن قوشتاسۋ ءراسىمى ءوتتى, دەپ حابارلايدى Egemen.kz.
اقتىق ساپارعا شىعارىپ سالۋ ءراسىمى بارلىق سانيتارلىق نورمالاردى ساقتاي وتىرىپ ءوتتى.
ەسكە سالا كەتەيىك, بەلگىلى قازاقستاندىق اكتەر 19 قاڭتار كۇنى 86 جاسىندا ومىردەن وزدى. كەيىنىرەك ونىڭ كوروناۆيرۋستان قايتىس بولعانى بەلگىلى بولدى.
ەلباسى نۇرسۇلتان نازارباەۆ, قازاقستان پرەزيدەنتى قاسىم-جومارت توقاەۆ, مادەنيەت جانە سپورت ءمينيسترى اقتوتى رايىمقۇلوۆا, «قازاقفيلم» پرەزيدەنتى اقان ساتاەۆ مارقۇمنىڭ جاقىندارى مەن تۋىستارىنا كوڭىل ايتۋ جەدەلحاتتارىن جولدادى.