ماجارستاندا تەگىن وقۋ ستيپەندياسىن قالاي الۋعا بولادى

ستيپەنديالىق باعدارلاما شەڭبەرىندە ماجارستان ۇكىمەتى قازاقستاندىقتارعا كەلەسى باعدارلامالار بويىنشا 250 گرانت ۇسىنادى: باكالاۆريات – 110 ورىن, ماگيستراتۋرا – 90 ورىن, وقۋ مەرزىمى 5 جىلدان 6 جىلعا دەيىنگى باكالاۆريات جانە ماگيستراتۋرا – 30 ورىن, دوكتورانتۋرا – 20 ورىن. گرانت كەلەسى شىعىنداردى قامتيدى: تەگىن وقۋ, اي سايىنعى ستيپەنديا, جاتاقحانادا تۇرۋ جانە مەديتسينالىق ساقتاندىرۋ. قالعان شىعىنداردى گرانت يەگەرى ءوزى وتەيدى.

كونكۋرسقا قاتىسۋ شارتتارى:

–  باكالاۆر دارەجەسىن الۋعا ۇمىتكەرلەر ءۇشىن – اعىمداعى جىلعى ۇلگەرىم تابەلدەرىمەن قوسا نەگىزگى ورتا ءبىلىم تۋرالى اتتەستاتتىڭ/ كۋالىكتىڭ ورتاشا بالى (2020-2021 وقۋ جىلىنىڭ مەكتەپ بىتىرۋشىلەرى ءۇشىن) / ارنايى ورتا ءبىلىم تۋرالى ديپلومنىڭ كەمىندە 4,0 (5,0-دەن));

– ماگيستر دارەجەسىن الۋعا جانە رەزيدەنتۋرا مەن دوكتورانتۋرادا وقۋعا ۇمىتكەرلەر ءۇشىن – باكالاۆر/مامان ديپلومىنىڭ ورتاشا بالىنىڭ سايكەستىگى كەمىندە 3,0 (4,0/4,33-تەن).

كونكۋرستىق ىرىكتەۋ 2 كەزەڭنەن تۇرادى: تاۋەلسىز ساراپتاۋ كوميسسياسى وتكىزەتىن اڭگىمەلەسۋ جانە قورىتىندى كوميسسيانىڭ وتىرىسى. تاۋەلسىز ساراپتاۋ كوميسسياسى قۇجاتتاردى قابىلداۋ مەرزىمى اياقتالعان كۇننەن باستاپ 15 جۇمىس كۇنىنەن كەشىكتىرمەي ۇمىتكەرلەرمەن جەكە اڭگىمەلەسۋ وتكىزەدى.

قورىتىندى كوميسسيا ۇمىتكەرلەردىڭ بالدارىن ەسەپتەۋ مەن اڭگىمەلەسۋدىڭ ناتيجەلەرى بويىنشا حالىقارالىق شارتتار شەڭبەرىندە شەتەلدە وقۋعا نيەت بىلدىرگەن ۇمىتكەرلەردىڭ نەگىزگى جانە رەزەرۆتىك ءتىزىمىن بەكىتەدى.

"شەتەلدە اكادەميالىق وقۋدى اياقتاعاننان كەيىن كونكۋرس جەڭىمپازى قازاقستانعا ورالىپ, 3 جىل جۇمىس ىستەۋگە مىندەتتى. بيىلدان باستاپ بۇل مىندەتتى شارت بولىپ تابىلادى", – دەدى قر بعم حالىقارالىق ىنتىماقتاستىق دەپارتامەنتىنىڭ ديرەكتورى ەركەبۇلان بورانباەۆ.

ماجارستاننىڭ جوعارى وقۋ ورىندارىندا وقۋعا قۇجاتتاردى قابىلداۋ Egov.kz "ەلەكتروندىق ۇكىمەت" پورتالى ارقىلى, سونداي-اق "حالىقارالىق باعدارلامالار ورتالىعى" اق سايتىندا http://bolashak.gov.kz/ الدىن الا ەلەكتروندىق كەزەكتى برونداۋ ارقىلى جۇزەگە اسىرىلادى