تاراز قالاسى جاسىلدان سارى ايماققا كوشتى. الدىن-الۋ شارالارىن قابىلداۋ قاجەت, بۇل ورايدا كارانتيندىك شەكتەۋلەردى كۇشەيتۋ ماڭىزدى. بۇل تۋرالى وبلىس اكىمى بەردىبەك ساپارباەۆتىڭ توراعالىعىمەن وتكەن كوروناۆيرۋستىڭ تارالۋىنا قارسى كۇرەس جونىندەگى جەدەل شتابتىڭ كەزەكتى وتىرىسىندا تالقىلاندى, دەپ حابارلايدى Egemen.kz.
دەنساۋلىق ساقتاۋ باسقارماسىنىڭ باسشىسى اسەت قاليەۆتىڭ ايتۋىنشا, جۇقپالى اۋرۋلار اۋرۋحاناسىنداعى 1000 كەرەۋەتتىڭ جۇكتەمەسى 454 ورىندى قۇراپ وتىر, كارانتيندىك ستاتسيوناردا – 23 ادام, ۇيدە-1341. 240 مىڭ جامبىلدىق پتر-تەستىلەۋدەن وتكەن.
سوڭعى اپتانىڭ قورىتىندىسى بويىنشا جۇقتىرعانداردىڭ ەڭ كوپ ءوسۋى تاراز قالاسىندا (85 جاعداي, ءوسىم 3,5%), جامبىل اۋدانىندا (9 جاعداي, ءوسىم 3,4%) جانە ت.رىسقۇلوۆ (7 جاعداي, ءوسىم 3,9%) اۋداندارىندا بايقالادى. جەدەل جاردەمدى شاقىرتۋلار سانى ۇشتەن بىرگە ارتتى.
باسقا وبلىستاردا قولايسىز ەپيدەميولوگيالىق احۋالعا بايلانىستى 2000 توسەكتىك رەزەرۆ دايىندالۋدا, قوسىمشا 3150 مەديتسينا قىزمەتكەرى قاجەت بولادى. COVID-19 الدىن الۋ جانە ەمدەۋ ءۇشىن وبلىس ستاتسيونارلارىنا 1,2 ميلليارد تەڭگەگە ءدارى-دارمەكتەر مەن جابدىقتار اكەلىندى. كۆي سەبەپتەرى بويىنشا جەدەل جاردەم شاقىرۋلارىنىڭ سانى وتىز پايىزعا ارتقان.
باسقا وبلىستارداعى ەپيدەميولوگيالىق جاعدايدىڭ قولايسىزدىعىنا بايلانىستى 2000 توسەكتىك رەزەرۆ دايىندالۋدا, قوسىمشا 3150 مەديتسينالىق پەرسونال قاجەتتىگىنە كوڭىل بولىنۋدە. COVID-19 اۋىرۋىنىڭ الدىن الۋ جانە ەمدەۋ ءۇشىن وبلىس ستاتسيونارلارىنا 1,2 ميلليارد تەڭگەگە ءدارى-دارمەكتەر مەن جابدىقتار جەتكىزىلدى.
سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ م.ا. نەيلي مۋليكوۆانىڭ ايتۋىنشا, ازاماتتاردىڭ تاراز مەديتسينالىق ۇيىمدارىنا ءوز ەركىمەن جۇگىنۋى بارىسىندا انىقتالعان ناۋقاستاردىڭ ۇلەس سالماعى ارتقان (53,5%). بۇل ادامداردىڭ جوعارى ازاماتتىق جاۋاپكەرشىلىگىن كورسەتەدى, سونىمەن قاتار ءتيىستى قۇرىلىمداردىڭ ينفەكتسيانىڭ تارالۋىن السىزدىگىن كورسەتەدى. ينفەكتسيا جۇقتىرعانداردىڭ 60 پايىزدان استامىندا ۇيدە وقشاۋلانۋعا ءتيىستى جاعدايلارى جوق.
جالپى سانيتارلىق-ەپيدەميولوگيالىق تالاپتاردى بۇزعاندارعا 46 اكىمشىلىك حاتتاما تولتىرىلدى.
- اسىرەسە, تاراز قالاسىندا مونيتورينگتىك توپتاردىڭ جۇمىسىن كۇشەيتۋ كەرەك, - دەپ اتاپ ءوتتى بەردىبەك ساپارباەۆ.
پوليتسيا دەپارتامەنتىنىڭ باستىعىنىڭ ورىنباسارى تەمىربەك ورازىمبەتوۆ تە ايماق باسشىسىن قولداپ, 51 ءموبيلدى توپتىڭ بار-جوعى 46 عانا زاڭ بۇزۋشىلىقتى انىقتاعانىن جەتكىزدى.
تاراز قالاسىنىڭ اكىمى ايتقازى قارابالاەۆتىڭ ايتۋىنشا, سالىنعان ايىپپۇلداردىڭ مولشەرى 50 ميلليون تەڭگەدەن اسقان. ول سونداي-اق كارانتيندىك رەجيمدى كوبىنە بايلانىستا بولعان تۇلعالاردىڭ بۇزاتىنىن اتاپ ءوتتى.
احۋالدى تالقىلاۋ بارىسىندا شۋ اۋدانىنىڭ اكىمى نۇرجان كالەندەروۆ وقۋ ساباقتارىنىڭ باستالۋىن ەسكەرە وتىرىپ, بارلىق مەكتەپتەردى تەكسەرۋدى ۇسىندى.
- تاراز سارى ايماققا ەندى, سوندىقتان بارلىق تالاپتاردىڭ ساقتالۋىن باقىلاۋدى كۇشەيتۋ قاجەت. وبلىس ورتالىعىندا كارانتيندىك ورتالىق قۇرۋ قاجەت. اسىرەسە, مەكتەپ وقۋشىلارى مەن زەينەتكەرلەر اراسىندا اقپاراتتىق-ءتۇسىندىرۋ جۇمىستارىن ارتتىرۋ كەرەك. قوعامدىق كولىكتىڭ تولۋ جۇكتەمەسىنە, بەتپەردە تاعۋعا جانە جولاۋشىلاردىڭ الەۋمەتتىك قاشىقتىقتى ساقتاۋىنا ەرەكشە نازار اۋدارۋ ماڭىزدى. ءدارى-دارمەكتەر مەن توسەك-ورىندارىنىڭ جەتكىلىكتى ەكەندىگىن بارلاپ وتىرىڭىزدار. مەديتسينالىق ماماندار بار, بىراق كادرلىق رەزەرۆتى دە دايىنداۋ بەرۋ قاجەت. ناۋقاستاردىڭ قانداي جاعدايدا ەم الىپ جاتقاندىعىن زەردەلەڭىزدەر. اقپان ايىندا باستالاتىن جاپپاي ۆاكتسيناتسيالاۋ ناۋقانىنا دايىندالۋ, بيوفارماتسەۆتيكالىق زاۋىتتىڭ قۇرىلىسىن جەدەلدەتۋ كەرەك. الەۋمەتتىك جەلىلەردە تۇرعىندار تاعى دا دارىگەرلەردىڭ جۇمىسىنا نارازىلىعىن ءبىلدىرىپ, بيۋروكراتيالىققا قاتىستى شاعىمدارىنىڭ سانى ارتا تۇسكەن. مەديتسينالىق مەكەمەلەردىڭ باسشىلارىن روتاتسيالاۋ قاجەتتىلىگى تۋىنداۋدا. بۇل 10-15 جىلدان بەرى ءبىر ورىندا وتىرعان مەكتەپ ديرەكتورلارىنا دا قاتىستى. وقۋ ساپاسى ناشارلاي باستايدى, ءتارتىپ دەڭگەيى تومەندەيدى. ءبىلىم باسقارماسى بۇل ماسەلەنى اۋدان اكىمدەرىمەن بىرلەسىپ ەگجەي - تەگجەيلى قاراستىرۋى ءتيىس, - دەدى بەردىبەك ساپارباەۆ.