جاستارعا ءۇمىت سىيلادى

مەملەكەت باسشىسى جاڭا قۇ­رام­داعى ءماجىلىستىڭ الدىندا تۇر­عان ناقتى مىندەتتەردى ايقىنداپ ءوتتى. سونىمەن قاتار بيىل ىسكە اسا­تىن رەفورمالار جايى دا ءسوز بول­دى. ونىڭ ىشىندە قازىرگى تاڭداعى مەم­لەكەتتىك باسقارۋ جۇيەسىنىڭ سترا­تەگيالىق جوسپارلاۋ باعىتى بار, سونىڭ نەگىزىندە ء ارتۇرلى زاڭنامالىق, الەۋمەتتىك كودەكس, جاستار ماسەلەسى, باسقا دا ماڭىزدى باعىتتار جاريالاندى.  

قاسىم-جومارت توقاەۆ جەرگىلىكتى ورگانداردىڭ جۇمىسى جاستار سايا­ساتىن جۇزەگە اسىرۋعا قاتىستى باعا­لاناتىنى تۋرالى اتاپ ءوتتى. كەلە­شەكتە ەلدىڭ ەكونوميكاسى جاستاردىڭ قو­لىندا بولادى. بۇل مەملەكەتتىڭ دامۋىنا, سونىمەن قاتار ماڭىزدى دەگەن سالالاردىڭ ساپاسىنا اسەر ەتەدى. سوندىقتان دا مەنىڭ ويىمشا وسىن­داي ماڭىزدى باعىتتاردى پار­لامەنت ءتيىستى دەڭگەيدە جۇزەگە اسىرسا, مەملەكەتتىڭ دامۋىنا, جالپى ۇكىمەت جۇمىسىنىڭ ءتيىمدى جۇزەگە اسىرىلۋىنا سەپ بولار ەدى. ۇكىمەت پەن ءماجىلىستىڭ جاڭا قۇرامى قازىرگى پاندەميا سالدارىنان قۇلدىراعان ەكونوميكانىڭ ۇزاق مەرزىمدى ءوسىمىن قامتاماسىز ەتۋگە جانە حالىقتىڭ ءال-اۋقاتىن جاقسارتۋعا باسا كوڭىل بولەدى دەپ سەنەمىن.

مەملەكەت باس­شىسى پار­لا­مەنت­­تىڭ, اسىرەسە دە­پۋتات­تار­دىڭ ءرولى مەن ولاردىڭ جۇمىس باعىتى تۋ­رالى ناقتى ايتتى. ويتكەنى قازىرگى تاڭ­دا پارلامەنتتىڭ ماقساتى –قوعامدى تولعاندىراتىن ماسە­لە­لەردى ۇكىمەتكە جەتكىزۋ, زاڭنىڭ ساپاسى, ولاردىڭ جۇزەگە اسىرىلۋىن قاداعالاۋ. پرە­زيدەنتتىڭ جاستار ماسەلەسى بويىنشا جاستاردىڭ دامۋ يندەكسىن ەنگىزۋ, جاستارعا بارلىق جاعدايدىڭ جاسالۋى جايىنداعى ۇسىنىسى قۋانتتى.

جاڭا سايلانعان قازاقستان رەس­پۋبليكاسى پارلامەنتى ماجىلىسىنە ال­عاشقى وتىرىستا جاڭاشا جوبالار مەن ءتيىمدى باستامالاردان تۇراتىن بيىك ماقساتتار مەن ناقتى مىندەتتەر قويىلدى دەۋگە بولادى. ءبىز سياقتى جاس­تارعا جاڭا باعىت, جاڭا تىنىستىڭ اشىلۋى, مەملەكەتكە وزگەشە كوز­قاراستاعى تۇلعالاردىڭ كەلۋى ۇلكەن ءۇمىت سىيلايدى. جاستارعا كوڭىل ءبولۋ, ەڭ الدىمەن ولاردىڭ جاڭا يدەيالارىن قولداپ, جۇمىسسىزدىقتىڭ الدىن الۋدان باستالادى.  

ايان ساكوشەۆ,

«جاستار» عىلىمي-زەرتتەۋ ورتالىعىنىڭ ديرەكتورى