گەرمانيا بيلىگى FFP2 كاسىبي رەسپيراتورلىق ماسكاسىن تاعۋدى مىندەتتەۋ ماسەلەسىن قاراستىرۋدا, دەپ حابارلايدى Egemen.kz.
Bild گازەتىنىڭ مالىمەتىنشە, ەلدە رەسپيراتورلاردى مىندەتتى تۇردە تاعۋ تۋرالى شەشىم سەيسەنبىدە قابىلدانۋى مۇمكىن. سونداي-اق گەرمانيا كانتسلەرى انگەلا مەركەل فەدەرالدى جەرلەردىڭ باسشىلارىمەن كوروناۆيرۋستىڭ جاڭا شتامدارىنا بايلانىستى كارانتين شارالارىن كۇشەيتۋدى تالقىلايدى. اتاپ ايتقاندا, كومەندانتتىق ساعات ەنگىزىلىپ, قوعامدىق كولىكتەردىڭ جۇمىسى شەكتەلۋى مۇمكىن, كاسىپورىن قىزمەتكەرلەرى تولىعىمەن قاشىقتان جۇمىس ىستەۋى ىقتيمال.
اتالعان ەلدە 16 جەلتوقساننان بەرى قاتاڭ كارانتيندىك شارالار ەنگىزىلگەن. مۇندا ازىق-ت ۇلىك جانە تۇرمىستىق تاۋارلاردى ساتاتىن دۇكەندەردەن باسقا بارلىق ساۋدا ورىندارى جابىلعان. شاشتارازدار, مۇراجايلار, تەاترلار, سۇلۋلىق سالوندارى جۇمىس ىستەمەيدى, وقۋشىلار قاشىقتان وقىپ جاتىر.