پرەمەر-مينيستر اسقار مامين جاڭارتىلعان قۇرامدا ۇكىمەتتىڭ العاشقى وتىرىسىن وتكىزدى. ەلدەگى سانيتارلىق-ەپيدەميولوگيالىق جاعداي تۋرالى دەنساۋلىق ساقتاۋ ءمينيسترى الەكسەي تسوي باياندادى, دەپ حابارلايدى Egemen.kz.
دەنساۋلىق ساقتاۋ ءمينيسترى اتاپ وتكەندەي, بۇگىنگى تاڭدا الەمنىڭ 220 ەلىندە كۆي-ءدىڭ 95 ملن-نان استام جاعدايى تىركەلگەن. 2 ملن-نان استام ادام قايتىس بولدى, جاھاندىق ءولىم كورسەتكىشى 2,1%-دى قۇرايدى. دۇنيەجۇزىلىك دەنساۋلىق ساقتاۋ ۇيىمىنىڭ التى ءوڭىرىنىڭ ءۇش وڭىرىندە (امەريكا, تىنىق مۇحيتتىڭ باتىس بولىگى جانە افريكا) حالىقتىڭ COVID-19 ۆيرۋسىمەن سىرقاتتانۋىنىڭ ۇدايى ءوسۋى جالعاسۋدا. ەۋروپا جانە شىعىس جەرورتا تەڭىزى وڭىرلەرىندە تومەندەۋ بەلگىلەرىنسىز سىرقاتتانۋشىلىقتىڭ تۇراقتى تۇردە جوعارى دەڭگەيى بايقالادى. تومەندەۋ ءۇردىسى تەك وڭتۇستىك-شىعىس ازيا ەلدەرىندە بايقالادى.
سىرقاتتانۋشىلىقتىڭ تارالۋ كورسەتكىشى مەن دەڭگەيى بويىنشا قازاقستان رەسپۋبليكاسى تۇركيا سياقتى تاۋەكەلى ورتاشا ايماقتا نەمەسە سارى ايماقتا تۇر. تاۋەكەلى جوعارى ايماقتا, ياعني قىزىل ايماقتا ۋكراينا, رەسەي فەدەراتسياسى, بەلارۋس, گەرمانيا, يتاليا, فرانتسيا, بىرىككەن اراب امىرلىكتەرى سياقتى ەلدەر تۇر. وڭتۇستىك كورەيا مەن سينگاپۋر جاسىل ايماقتا.
«قازاقستاندا پاندەميا باستالعاننان بەرى COVID-19-عا وڭ ناتيجەمەن 170 098 ناۋقاس جانە 46 866 كۆي- جاعدايى تىركەلگەن. كۆي+ 154 449 ناۋقاس جانە كۆي- 34 656 ناۋقاس ەمدەلىپ شىقتى. قايتىس بولعان ادامدار سانى – كۆي+ 2 423 ادام جانە كۆي- 542 ادام. ونىڭ ىشىندە سوڭعى تاۋلىكتە كۆي+ 999 جاعداي جانە كۆي- 18 جاعداي تىركەلدى, ونىڭ ىشىندە 9 – ءولىم جاعدايى», — دەدى ا. تسوي.
مينيسترلىك كۇن سايىن ماتريتساعا سايكەس ەپيدجاعدايعا باعالاۋ جۇرگىزىپ وتىرادى. وسى جىل باستالعاننان بەرى تاۋەكەلى ورتاشا ايماقتان تاۋەكەلى جوعارى ايماققا نەمەسە سارى ايماقتان قىزىل ايماققا 3 ءوڭىر — قوستاناي, پاۆلودار وبلىستارى جانە نۇر-سۇلتان قالاسى ءوتتى. تاۋەكەلى تومەن ايماقتان تاۋەكەلى ورتاشا ايماققا نەمەسە جاسىل ايماقتان سارى ايماققا 2 ءوڭىر: الماتى جانە قاراعاندى وبلىستارى ءوتتى. وسىلايشا, 19 قاڭتاردا قىزىل ايماقتا 6 ءوڭىر تۇر: اقمولا, اتىراۋ, قوستاناي, پاۆلودار, سولتۇستىك قازاقستان وبلىستارى جانە نۇر-سۇلتان قالاسى. سارى ايماقتا 3 ءوڭىر: باتىس قازاقستان, الماتى جانە قاراعاندى وبلىستارى. قالعان 8 ءوڭىر جاسىل ايماقتا.
ا. تسويدىڭ ايتۋىنشا, جالپى العاندا, رەسپۋبليكا بويىنشا قاراشا ايىنان باستاپ كۆي-مەن سىرقاتتانۋشىلىقتىڭ ءوسۋى بايقالادى, قازان ايىمەن سالىستىرعاندا قاراشا ايىندا سىرقاتتانۋشىلىق 4,5 ەسە ءوستى, قاراشامەن سالىستىرعاندا جەلتوقسان ايىندا 1,2 ەسە ءوستى.
«بىرقالىپتى ءوسۋ ءۇردىسى قاڭتار ايىندا دا ساقتالىپ وتىر, بۇل جەلتوقسان مەن قاڭتار ايلارىندا ۇزاق مەرەكە كۇندەرى حالىقتىڭ بارلىق پروفيلاكتيكا شارالارىن ساقتاماۋىنىڭ سالدارى بولىپ تابىلادى. ماسەلەن, قاڭتاردىڭ 19 كۇنى ىشىندە كۆي-ءدىڭ 14 625 جاعدايى تىركەلدى. سىرقاتتانۋشىلىقتىڭ ءوسۋى شىعىس قازاقستان وبلىسىنان باسقا بارلىق وڭىردە بايقالادى», — دەدى دەنساۋلىق ساقتاۋ ءمينيسترى.
بيىلعى 19 قاڭتارداعى جاعداي بويىنشا ينفەكتسيالىق جانە رەانيماتسيالىق توسەكتەردىڭ جۇكتەلۋى تيىسىنشە 32%-دى جانە 23%-دى قۇرايدى. مونيتورينگ دەرەكتەرىنە سايكەس توسەك قورىنىڭ قامتىلۋى باقىلاناتىن دەڭگەيدە, قاجەت بولعان جاعدايدا ءاربىر وڭىردە رەزەرۆتىك توسەكتەردى قوسىمشا اشۋ مۇمكىندىگى بار. ەپيدەميولوگيالىق جاعدايدى ەسكەرە وتىرىپ, بىرقاتار وڭىردە, ونىڭ ىشىندە اقمولا, قوستاناي, پاۆلودار, اتىراۋ وبلىستارىندا جانە نۇر-سۇلتان قالاسىندا حالىقتىڭ كوپ جينالاتىن ورىندارىندا قارىم-قاتىناستى ازايتۋعا باعىتتالعان شەكتەۋلەردى كۇشەيتۋ بويىنشا شارالار قابىلداندى.
ۆيرۋستىڭ مۋتاتسياعا بەيىمدىلىگىن ەسكەرە وتىرىپ, مينيسترلىك تۇراقتى نەگىزدە قر-دا بولىنگەن ۆيرۋس شتاممدارىنا مولەكۋلالىق-گەنەتيكالىق سەكۆەنيرلەۋ جۇرگىزەدى.
تالداۋ كورسەتكەندەي:
زەرتتەلگەن سىنامالار گەنەتيكالىق جاعىنان گەرمانيا, يسپانيا, ۋكراينا, رەسەي فەدەراتسياسى, اقش جانە قىتايدا انىقتالعان شتاممدارعا جاقىن;
اۋرۋدىڭ سيمپتومدىق جانە سيمپتومسىز تۇرلەرى, سونداي-اق ۆيرۋستىڭ كونتاگيوزدىلىعى جانە اۋرۋدىڭ اۋىر ءوتۋى ۆيرۋستىڭ قانداي دا ءبىر گەنەتيكالىق سىزىققا جاتاتىندىعىنا بايلانىستى ەمەس;
بارىنشا كوپ انىقتاۋ جيىلىگىمەن مۋتاتسيالار انىقتالدى;
زەرتتەلگەن سىنامالاردا كوروناۆيرۋستىڭ «بريتاندىق» شتاممى انىقتالعان جوق. وسى باعىتتاعى جۇمىس جالعاسۋدا.
ا. تسويدىڭ ايتۋىنشا, مەملەكەت باسشىسىنىڭ كۆي-گە قارسى ۆاكتسيناتسيانى جەدەلدەتىپ باستاۋ جونىندەگى تاپسىرماسىن ىسكە اسىرۋ ماقساتىندا مىناداي جۇمىستار جۇرگىزىلۋدە:
2021 جىلعى 19 قاڭتاردا قاراعاندى فارماتسەۆتيكالىق كەشەنى مەن رەسەي تىكەلەي ينۆەستيتسيالار قورى اراسىندا «سپۋتنيك V» ۆاكتسيناسىنىڭ 20 مىڭ دوزاسىن جەتكىزۋگە ارنالعان شارتقا قول قويۋ جوسپارلانۋدا;
بيىلعى 20 قاڭتاردا ارنايى ءتارتىپ بويىنشا ساتىپ الۋدى جۇرگىزۋ ءۇشىن ءبىر جولعى اكەلۋگە رۇقسات بەرۋ جانە قر دسم-ءنىڭ سق-فارماتسياعا حات جىبەرۋى جوسپارلانىپ وتىر;
وسى جىلعى 1 اقپاندا – ەگۋگە جاتاتىن حالىق توپتارىن كۆي-عا قارسى ۆاكتسيناتسيالاۋدى باستاۋ كوزدەلگەن. ۆاكتسيناتسيالاۋ ۆاكتسينانىڭ كەلىپ ءتۇسۋىن ەسكەرە وتىرىپ, كەزەڭ-كەزەڭمەن جۇزەگە اسىرىلاتىن بولادى. بۇل رەتتە كونتينگەنتتەر مىناداي تۇردە بولىنگەن:
I كەزەڭ – ينفەكتسيالىق اۋرۋحانالار, جەدەل مەديتسينالىق جاردەم, رەانيماتسيا جانە قارقىندى تەراپيا ءبولىمى, مەديتسينالىق-سانيتاريالىق العاشقى كومەك, اۋرۋحانالاردىڭ قابىلداۋ بولمەلەرىنىڭ مەديتسينا قىزمەتكەرلەرى, سانەپيدقىزمەت قىزمەتكەرلەرى جاتادى – 100 000 ادام — 2021 جىلعى 1 اقپاننان باستاپ;
II كەزەڭ – جالپى ءبىلىم بەرەتىن مەكتەپتەردىڭ, ارناۋلى ورتا وقۋ ورىندارىنىڭ, جوعارى وقۋ ورىندارىنىڭ پەداگوگتارى, ۆەدومستۆولىق مەديتسينالىق قىزمەتىنىڭ مەديتسينا قىزمەتكەرلەرى – 150 مىڭ ادام — بيىلعى ناۋرىزدان باستاپ;
III كەزەڭ – مەكتەپ-ينتەرناتتار, بالالاردىڭ مەكتەپكە دەيىنگى مەكەمەلەرى پەداگوگتارى, ستۋدەنتتەر, سوزىلمالى اۋرۋلارى بار ادامدار – 600 مىڭ ادام — بيىلعى ساۋىردەن باستاپ;
IV كەزەڭ – ىشكى ىستەر مينيسترلىگى, توتەنشە جاعدايلار مينيسترلىگى, قورعانىس مينيسترلىگى, ۇلتتىق قاۋىپسىزدىك كوميتەتى قىزمەتىنىڭ قىزمەتكەرلەرى, باسقا ستاتسيونارلاردىڭ مەديتسينا قىزمەتكەرلەرى, بمدم پەرسونالى جانە سوزىلمالى اۋرۋلارى بار ادامدار – 600 مىڭ ادام — بيىلعى مامىردان باستاپ;
V كەزەڭ – مەديتسينالىق-الەۋمەتتىك مەكەمەلەردىڭ كونتينگەنتى مەن پەرسونالى, بالالاردىڭ جابىق مەكەمەلەرىنىڭ قىزمەتكەرلەرى جانە سوزىلمالى اۋرۋلارى بار ادامدار – 600 مىڭ ادام, بيىلعى ماۋسىمنان باستاپ;
VI كەزەڭ – تاۋەكەل توبىنداعى قالعان كونتينگەنت – 600 مىڭ ادام, بيىلعى شىلدە ايىنان جەلتوقسانعا دەيىن. وسىلايشا, جىل سوڭىنا دەيىن 6 ملن قازاقستاندىققا ۆاكتسينا ەگۋ جوسپارلانعان.
وندىرۋشىدەن مەديتسينالىق ۇيىمدارعا دەيىنگى بارلىق جولىندا ۆاكتسينانىڭ ساپاسىن قامتاماسىز ەتۋ ماقساتىندا GDP ستاندارتى «سالقىن تىزبەكتىڭ» ءاربىر كەزەڭىندە جاۋاپتى ادامداردىڭ بولۋىن كوزدەيدى. ۆاكتسينانى جەتكىزۋ تىزبەگى 4 كەزەڭنەن تۇرادى:
I كەزەڭ – وندىرۋشىدەن بىرىڭعاي ديستريبيۋتور قويمالارىنا دەيىن, مۇندا «سالقىن تىزبەك» ءپرينتسيپىن ساقتاۋعا ۆاكتسينانى وندىرۋشى/جەتكىزۋشى جاۋاپتى بولادى;
II كەزەڭ – بد قويمالارىنان دەنساۋلىق ساقتاۋ باسقارمالارىنىڭ (دسب) ءدارىحانا قويمالارىنا دەيىن, مۇندا «سالقىن تىزبەك» ءپرينتسيپىن ساقتاۋعا بىرىڭعاي ديستريبيۋتور جاۋاپتى بولادى;
III كەزەڭ – وڭىرلەردىڭ دەنساۋلىق ساقتاۋ باسقارمالارىنان اۋداندار مەن قالالاردىڭ مەديتسينالىق ۇيىمدارىنا دەيىن, مۇندا «سالقىن تىزبەك» ءپرينتسيپىن ساقتاۋعا وڭىرلەردىڭ دەنساۋلىق ساقتاۋ باسقارمالارى جاۋاپتى بولادى;
IV كەزەڭ – مەديتسينالىق ۇيىمداردا ساقتاۋ.
«بۇگىنگى تاڭدا “سالقىن تىزبەكتىڭ” بارلىق قاتىسۋشىسى ءۇشىن COVID پروفيلاكتيكاسى بويىنشا ۆاكتسينالاردى ساقتاۋ جانە تاسىمالداۋ رەگلامەنتىنىڭ جوباسى ازىرلەندى. “سالقىن تىزبەكتىڭ” ءاربىر كەزەڭىندە ۆاكتسينانى ساقتاۋ ىدىستارى سالىستىرىپ تەكسەرىلدى. وڭىرلەرگە جانە مەديتسينالىق ۇيىمدارعا مۇزداتقىش جابدىقتاردىڭ, تەرموكونتەينەرلەردىڭ, تەرموينديكاتورلار مەن سالقىنداتۋ ەلەمەنتتەرىنىڭ جەتىسپەيتىن كولەمىن ساتىپ الۋ تاپسىرىلدى», — دەدى ا. تسوي.
كۆي-گە قارسى ۆاكتسيناتسيالاۋدى ۇيىمداستىرۋعا جانە جۇرگىزۋگە دايىندىقتى قامتاماسىز ەتۋ ماقساتىندا:
ۇلتتىق ەكپەلەر كۇنتىزبەسىنە كۆي-گە قارسى ۆاكتسيناتسيانى ەنگىزۋ بولىگىندە قر ۇكىمەتى قاۋلىسىنىڭ جوباسى ازىرلەندى;
كۆي-گە قارسى ۆاكتسيناتسيالاۋ جونىندەگى ادىستەمەلىك ۇسىنىمدار دايىندالدى;
كۆي-گە قارسى ۆاكتسيناتسيالاۋدى ۇيىمداستىرۋ جانە جۇرگىزۋ جونىندەگى جوسپار بەكىتىلدى;
بيىلعى 18 قاڭتاردا ۇلتتىق جانە وڭىرلىك دەڭگەيدەگى ماماندار وقىتىلدى.
2021 جىلعى 20-27 قاڭتار ارالىعىندا مەديتسينالىق ۇيىمداردىڭ ماماندارىن ونلاين وقىتۋ جوسپارلانعان. جۇيەلى ەسەپكە الۋ ماقساتىندا ۆاكتسيناتسيالاۋدىڭ ەلەكتروندىق پاسپورتى ازىرلەندى. ۆاكتسيناتسيا جۇرگىزۋ تۋرالى دەرەكتەر مينيسترلىكتىڭ ورتالىقتاندىرىلعان اقپاراتتىق جۇيەسىندە ەلەكتروندىق فورماتتا جۇرگىزىلەتىن بولادى.
پاتسيەنت جانە مەديتسينا قىزمەتكەرى اقپاراتتى m-gov موبيلدىك قوسىمشاسىندا قولمەن ۆەب-قوسىمشاعا ەنگىزە الادى. جۇيە جاھاندىق اقپاراتتىق جۇيەلەرمەن ينتەگراتسيالانۋعا قابىلەتتى جانە ۆاكتسينا العان بارلىق ادامدارعا تالاپ ەتىلەتىن جەردە ۇسىنۋ ءۇشىن اقپارات بەرۋگە جانە ەركىن قوزعالۋعا مۇمكىندىك بەرەدى. ەپيدەميولوگيالىق جاعدايدىڭ ناشارلاعانىن ەسكەرە وتىرىپ, سونداي-اق كۆي-گە قارسى ۆاكتسيناتسيالاۋ جۇرگىزۋگە دايىندىقتى قامتاماسىز ەتۋ ماقساتىندا:
1. وبلىستاردىڭ, رەسپۋبليكالىق ماڭىزى بار قالالاردىڭ اكىمدەرىنە:
- ەپيدەميولوگيالىق تاۋەكەل ايماعىنا بايلانىستى شەكتەۋ شارالارىن دەرەۋ ەنگىزۋ;
- مونيتورينگتىك توپتاردىڭ جۇمىسىن كۇشەيتۋ;
- مەديتسينالىق ۇيىمداردىڭ اعىمداعى جىلعى 1 اقپاننان باستاپ كۆي-گە قارسى ۆاكتسيناتسيانى باستاۋعا دايىندىعىن قامتاماسىز ەتۋ;
- كۆي-گە قارسى ۆاكتسينالاردى ساقتاۋ جانە تاسىمالداۋ ءۇشىن توڭازىتۋ جابدىقتارىن جانە تەرموكونتەينەرلەردى ساتىپ الۋدى اياقتاۋ;
- ۆاكتسيناتسيالاۋ پروتسەسىنە تارتىلعان بارلىق مامانداردى كۆي-گە ۆاكتسيناتسيالاۋ ماسەلەلەرى بويىنشا وقىتۋدى قامتاماسىز ەتۋ;
2. قارجى جانە ادىلەت مينيسترلىكتەرىنە, جەرگىلىكتى اتقارۋشى ورگاندارعا ءبىر كۇن ىشىندە كۆي-گە قارسى ۆاكتسيناتسيانى ۇلتتىق ەكپەلەر كۇنتىزبەسىنە ەنگىزۋدى رەگلامەنتتەيتىن قر ۇكىمەتى قاۋلىسىنىڭ جوباسىن كەلىسۋ.
3. قر دەنساۋلىق ساقتاۋ مينيسترلىگىنە بارلىق وڭىرلەردىڭ ەگۋ پۋنكتتەرىنىڭ كۆي-گە قارسى ۆاكتسيناتسيالاۋعا دايىندىعىن الدىن الا باقىلاۋدى قامتاماسىز ەتۋ;
4. اقپارات جانە قوعامدىق دامۋ مينيسترلىگىنە حالىقتى ۆاكتسيناتسيالاۋدى قوسا العاندا, كۆي پروفيلاكتيكاسى بويىنشا اقپاراتتىق-ءتۇسىندىرۋ جۇمىسىن قامتاماسىز ەتۋ تاپسىرىلدى. دەنساۋلىق ساقتاۋ مينيسترلىگىنىڭ بولجاۋ جونىندەگى جۇمىس توبى مىندەتتى ماسكا تاعۋ رەجيمىن, الەۋمەتتىك قاشىقتىقتى ساقتاۋدى جانە كۇتىلەتىن ۆاكتسيناتسيانى قوسا العاندا, قولدانىستاعى شەكتەۋ شارالارى ساقتالعان جاعدايدا 2021 جىلدىڭ سوڭىنا دەيىن ەپيدجاعدايدىڭ دامۋىنا بولجام جاسادى.
«جاعدايلار وسى جىلدىڭ ناۋرىز ايىنىڭ سوڭىندا كوپ تىركەلۋى مۇمكىن. وپتيميستىك ستسەناري بويىنشا تاۋلىگىنە 3 مىڭ جاعدايعا دەيىن كۇتىلۋدە, ال توسەك قورىنىڭ بارىنشا قامتىلۋى 24 مىڭ توسەككە دەيىن جەتۋى مۇمكىن. دەگەنمەن, اتالعان ستسەناري كەزىندە قاتاڭ كارانتيندىك شارالاردى ەنگىزۋ جوسپارلانىپ وتىرعان جوق», — دەدى ا. تسوي.
رەاليستىك جانە پەسسيميستىك ستسەناريلەر كەزىندە كۇن سايىن تيىسىنشە 6 جانە 9 مىڭ جاعدايعا دەيىن تىركەلۋى مۇمكىن, ال توسەك قورىنىڭ قامتىلۋى 45 مىڭ توسەككە دەيىن جەتەدى, ياعني كۆي-مەن اۋىراتىن ناۋقاستارعا قولجەتىمدى 52 مىڭ توسەكتەن اسپايدى, بىراق دەنساۋلىق ساقتاۋ جۇيەسىنە شامادان تىس جۇكتەمە تۇسىرمەۋ جانە ساپالى مەديتسينالىق قىزمەت كورسەتۋدى قامتاماسىز ەتۋ ءۇشىن قاتاڭ كارانتيندىك شارالاردى ەنگىزۋ قاجەت بولادى.
ءبىرىنشى كەزەڭدە 2 ملن ادامدى ۆاكتسيناتسيالاۋ ەپيدەميانىڭ دامۋىنا وڭ اسەر ەتەدى, بۇل ۆاكتسيناتسيادان كەيىن يممۋنيتەتتى دامىتۋ ءۇشىن قاجەتتى ۋاقىتپەن, حالىقتىڭ كوپ بولىگىن ءبىر ۋاقىتتا ۆاكتسيناتسيالاۋدىڭ مۇمكىن ەمەستىگىمەن شەكتەلەدى.
ء«بىزدىڭ ەسەپتەۋىمىزشە, 2 ملن ادامدى ۆاكتسيناتسيالاۋ تىركەلگەن جاعدايلاردىڭ سانىن 40 مىڭعا ازايتادى. تيىسىنشە, ۆاكتسيناتسيامەن قامتۋ نەعۇرلىم جوعارى بولسا, كۆي-مەن سىرقاتتانۋشىلىق پەن ءولىم-ءجىتىم ازايادى جانە شەكتەۋ شارالارى مەن لوكداۋنسىز ومىرگە ورالۋ ىقتيمالدىعى ارتادى. پاندەميانىڭ دامۋىنىڭ وسى كەزەڭىندە بۇكىل الەم ءوزىن-ءوزى وقشاۋلاۋ مەن كارانتينگە جالعىز بالاما – ۆاكتسيناتسيا ەكەنىن ءتۇسىندى», — دەدى ا. تسوي.
اقپارات جانە قوعامدىق دامۋ ءمينيسترى ايدا بالاەۆا بىرقاتار وڭىردە كوروناۆيرۋس تاقىرىبى بويىنشا اقپاراتتىق-ءتۇسىندىرۋ جۇمىستارى كۇشەيتىلگەنىن ايتتى. اتاپ ايتقاندا, الدىڭعى اپتامەن سالىستىرعاندا وتكەن جەتىدە بارلىق قۇرالدار ارقىلى كورونوۆيرۋس تاقىرىبىنداعى اقپاراتتىق ماتەريالدار 27%-عا ارتىپ, جىل باسىنان بەرى شىققان تەلەسيۋجەتتەردىڭ, باسپا ءونىمىنىڭ, ينتەرنەت-ماتەريالدىڭ سانى 6 مىڭعا جۋىقتادى. حالىقتى اقپاراتتاندىرۋ ماسەلەسىندە ارنايى اشىلعان coronavirus2020.kz سايتىنىڭ ورنى ەرەكشە. قازىرگى تاڭدا وعان كۇنىنە 80 مىڭنان اسا پايدالانۋشى كىرىپ, ءتيىستى اقپارات الۋدا. پاۆلودار وبلىسىنىڭ اكىمى ابىلقايىر سقاقوۆ وتكەن اپتادا پاۆلودار وبلىسىندا كۆي-ءدىڭ 616 جاعدايى تىركەلگەنىن حابارلادى. اۋرۋشاڭدىقتىڭ ءوسۋى 5,8% قۇرادى. سوڭعى تاۋلىكتە 155 جاعداي انىقتالدى. 396 بايلانىستا بولعان ادام انىقتالدى. بارلىق ءۇي وشاقتارىندا ەپيدەميولوگيالىق زەرتتەۋلەر جۇرگىزىلىپ, جاڭا وشاقتار وقشاۋلاندى.
ء«وڭىردىڭ دەنساۋلىق ساقتاۋ جۇيەسى شتاتتىق رەجيمدە جۇمىس ىستەيدى. ينفەكتسيالىق توسەكتەردىڭ جۇكتەلۋى 37,7%-دى قۇرايدى. قازىر بارلىعى 1 635 توسەك-ورنى بار. رەزەرۆتە تاعى 2 168 بار. رەانيماتسيادا 21 ناۋقاس بار, ونىڭ 3-ءى وتە اۋىر جاعدايدا», — دەدى ءا. سقاقوۆ.
وبلىس بويىنشا 169 ءموبيلدى بريگادا جۇمىس ىستەيدى. تاۋلىگىنە 2 520 پتر-عا دەيىن زەرتتەۋ جۇرگىزىلەدى. جاعداي باقىلاناتىن. ايماقتىڭ قىزىل ايماققا كىرۋىنە بايلانىستى شەكتەۋ شارالارى كۇشەيتىلدى. دەمالىس كۇندەرىنە لوكداۋن ەنگىزىلدى: دەمالىس كۇندەرى ازىق-ت ۇلىك جانە ازىق-ت ۇلىكتىك ەمەس جابىق بازارلاردىڭ, سوسو, سپا-ورتالىقتاردىڭ, ساۋنالاردىڭ, سپورت وبەكتىلەرىنىڭ, سپورت كەشەندەرىنىڭ, فيتنەس-ورتالىقتاردىڭ قىزمەتى, قوعامدىق كولىك قوزعالىسى توقتاتىلدى. قالاارالىق, اۋدانارالىق اۆتوبۋس, ميكرواۆتوبۋس تۇراقتى جولاۋشىلار تاسىمالدارىنىڭ قوزعالىسى توقتاتىلدى. ادامدار كوپ جينالاتىن ورىندارعا ەرەكشە نازار اۋدارا وتىرىپ, كۇشەيتىلگەن رەجيمدە 176 مونيتورينگتىك توپ جۇمىس ىستەيدى.
بارلىق مەديتسينالىق-الەۋمەتتىك مەكەمەلەر پەرسونالدىڭ تاۋلىك بويى بولۋ رەجيمىنە تولىق وقشاۋلاۋعا جانە سىرتتان كەلگەن بارلىق بايلانىستاردى شەكتەۋگە كوشتى. كوۆيدتىك ينفەكتسيا بويىنشا بىرىڭعاي اقپاراتتىق-تالداۋ ورتالىعى جۇقتىرۋ وشاقتارىن جەدەل وقشاۋلاۋ, بايلانىستا بولعان ادامداردى باقىلاۋ ءۇشىن جۇمىس ىستەيدى. 24/7 رەجيمىندە وبلىس تۇرعىندارىن ەپيدەميولوگيالىق احۋال جانە ونىمەن بايلانىستى ماسەلەلەر تۋرالى حاباردار ەتۋ ءۇشىن بىرىڭعاي بايلانىس ورتالىعى جۇمىس ىستەيدى.
بايانداما سوڭىندا ءا. سقاقوۆ جۇمىس بارلىق باعىتتا جالعاسىپ جاتقانىن جانە ەرەكشە باقىلاۋدا ەكەنىن اتاپ ءوتتى. اقمولا وبلىسىنىڭ اكىمى ەرمەك مارجىقپاەۆ ءوز كەزەگىندە اقمولا وبلىسىندا ەپيدەميولوگيالىق جاعدايدى تۇراقتاندىرۋ بويىنشا جۇمىستار جۇرگىزىلىپ جاتقانىن باياندادى. سوڭعى اپتادا, جالپى اۋرۋدىڭ ورتاشا ءوسۋى 0,8% قۇرادى, سوڭعى تاۋلىكتەردە – 1,2% نەمەسە 99 جاعداي. 526 ادام ستاتسيوناردا ەمدەلۋدە, ونىڭ ىشىندە: اۋىر جاعدايدا – 41 ادام. اۋرۋدىڭ ارتۋىنا جول بەرمەۋ جانە كارانتين شارالارىن كۇشەيتۋ ءۇشىن, بارلىق قاجەتتى شارا قولدانىلادى.
«ازىق-ت ۇلىك ەمەس دۇكەندەردىڭ, ساۋدا ويىن-ساۋىق ورتالىقتارىنىڭ جۇمىس ءتارتىبى, 30% تولۋىنا قاراي ساعات 10:00-دەن 22:00-گە دەيىن, ءۇي-جايلارداعى قوعامدىق تاماقتانۋ وبەكتىلەرىنىڭ قىزمەتى ساعات 9:00-دەن 20:00-گە دەيىن شەكتەلدى», — دەدى ە. مارجىقپاەۆ.
مونيتورينگ توپتارىمەن, جىل باسىنان بەرى 346 رەيد وتكىزىلدى, 1212 وبەكت قامتىلدى. وتكەن اپتادا ينفەكتسيالىق ستاتسيونارلاردا, ونىڭ ىشىندە اۋىلدا ورىن سانى ارتتى. رەانيماتسيالىق ورىنداردىڭ جابدىقتالۋى 100% قۇرايدى. بۇگىنگى تاڭدا ۇلتتىق ساراپتاما ورتالىعىنىڭ بىرىڭعاي پورتالىمەن ينتەگراتسيالانعان 6 زەرتحانا جۇمىس ىستەيدى. تاۋلىگىنە 1700-دەن 2000 دەيىن تەست وتكىزىلەدى. قاجەتتىلىگىنە قاراي, زەرتحانالاردىڭ رەزەرۆتىك قۋاتى تاۋلىگىنە 7 مىڭعا دەيىن تەست وتكىزۋگە مۇمكىندىك بەرەدى. باستاپقى مەديتسينالىق-سانيتاريالىق كومەك كورسەتۋ ۇيىمدارىنىڭ قىزمەتى بويىنشا شارالار كۇشەيتىلدى. جاڭا جىلدا, 18 ەمحانا ءموبيلدى بريگادالارمەن حالىققا قىزمەت كورسەتۋ ءۇشىن 37 اۆتوكولىكپەن قوسىمشا قامتاماسىز ەتىلدى.
«حالىقتى ۆاكتسينالاۋ ءۇشىن دايىندىق جۇمىسى جۇرگىزىلۋدە. “سپۋتنيك V” ۆاكتسيناسىنىڭ 100 مىڭ دوزاسىن ساقتاۋ ءۇشىن 2 مۇزداتقىش كامەراسى بار, تاعى 4 ساتىپ الىنۋدا. سونىمەن قاتار «مۇزداتقىش تىزبەككە» سايكەس, 38 تەرموكونتەينەر, 19 تەرمورەگيستراتور, 2 اۆتورەفرەجاتور ساتىپ الىنادى», — دەدى اقمولا وبلىسىنىڭ اكىمى.
دارىلىك زاتتاردىڭ قۇرىلعان 2 ايلىق قورى قاجەتتىلىگىنە قاراي پايدالانادى جانە جەدەل تارتىپتە تولتىرىلادى. دارىمەن تەگىن قامتاماسىز ەتۋ ءتارتىبى حالىققا جەتكىزىلدى جانە 98,7% قۇرايدى. بۇگىنگى تاڭدا 61 ملن تەڭگە سوماسىنا دارىلىك زاتتاردىڭ 90 اتالىمى جەتكىزىلدى, قاڭتار ايىنىڭ سوڭىنا دەيىن قالعان 180 ملن تەڭگە سوماسىنا جۇك كەلەدى. قاجەتتى دارىلىك زاتتاردى قوسىمشا ساتىپ الۋ ءۇشىن وبلىستىڭ تۇراقتاندىرۋ قورىندا 500 ملن تەڭگە قاراستىرىلدى.
وڭىردەگى ەپيدەميولوگيالىق جاعداي ەرەكشە باقىلاۋدا. قوستاناي وبلىسىنىڭ اكىمى ارحيمەد مۇحامبەتوۆ پاندەميا باستالعاننان بەرى وڭىردە 672 COVID-19 جاعدايى تىركەلگەنىن ايتتى. قازىرگى ۋاقىتتا 1096 ستاتسيونارلىق توسەك-ورىن قامتاماسىز ەتىلگەن, جۇكتەمەسى 39,5% قۇرايدى. قاجەت بولعان جاعدايدا, توسەك-ورىن سانىن 3 مىڭعا دەيىن ارتتىرۋعا دايىن.
«بيىلعى 18 قاڭتاردان باستاپ سىرقاتتانۋشىلىقتىڭ وسۋىنە بايلانىستى كارانتيندىك شارالار 2 اپتا مەرزىمگە قاتاڭداتىلدى. ماسەلەن, وبلىستىڭ باس سانيتارلىق دارىگەرىنىڭ قاۋلىسىنا بىرقاتار وزگەرىس ەنگىزىلدى. ءدىني وبەكتىلەردىڭ قىزمەتى ۋاقىتشا توقتاتىلدى. قوعامدىق تاماقتاندىرۋ وبەكتىلەرىنىڭ جانە حالىققا قىزمەت كورسەتۋ ورتالىقتارىنىڭ جۇمىسى ۋاقىتى بويىنشا شەكتەلدى. سەنبى جانە جەكسەنبى كۇندەرى الاڭى 2000 شارشى مەتردەن اساتىن ازىق-ت ۇلىكتىك ەمەس ساۋدا وبەكتىلەرىنىڭ, جابىق ازىق-ت ۇلىك جانە ازىق-ت ۇلىكتىك ەمەس بازارلاردىڭ, ساۋنالاردىڭ, سپا-ورتالىقتاردىڭ, جابىق سپورت وبەكتىلەرىنىڭ, ونىڭ ىشىندە فيتنەس-ورتالىقتاردىڭ قىزمەتى, سونداي-اق قوعامدىق كولىك قوزعالىسى ۋاقىتشا توقتاتىلدى», — دەدى ا. مۇحامبەتوۆ.
كارانتيندىك شارالاردىڭ ساقتالۋىن باقىلاۋ ماقساتىندا مونيتورينگ توپتارى جىل باسىنان بەرى 942 رەيد جۇرگىزدى, 2823 وبەكتى تەكسەرىلدى, 26 بۇزۋشىلىق انىقتالدى. اتالعان فاكتىلەر بويىنشا 26 اكىمشىلىك ايىپپۇل سالىندى. ءدارىحانالاردى دارىلىك پرەپاراتتارمەن قامتاماسىز ەتۋ ماقساتىندا تۇراقتاندىرۋ قورى 538 ملن تەڭگەگە دەيىن ۇلعايتىلدى. قازىرگى ۋاقىتتا كوروناۆيرۋس ينفەكتسياسىنا قارسى جاپپاي ۆاكتسيناتسيالاۋعا دايىندىق ءجۇرىپ جاتىر. 72 بىرلىك مەديتسينالىق ماقساتتاعى مۇزداتقىش كامەراسىن ساتىپ الۋ بويىنشا كونكۋرستىق راسىمدەر اياقتالىپ كەلەدى. ءبىرىنشى پارتيانى جەتكىزۋ اعىمداعى جىلدىڭ 10 اقپانىندا باستالادى. وبلىستىڭ ءدارىحانالارى مەن ستاتسيونارلارىندا ءدارى-دارمەكتەر مەن جەكە قورعانىش قۇرالدارىنىڭ ازايتىلمايتىن ەكى ايلىق قورى بار.