پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا ىشكى ىستەر ءمينيسترى ەرلان تۇرعىمباەۆ مينيسترلىكتىڭ كارانتيندىك جانە شەكتەۋ شارالارىن قامتاماسىز ەتۋ بويىنشا دەنساۋلىق ساقتاۋ ورگاندارىنا كومەك كورسەتۋدى جالعاستىرىپ جاتقانى تۋرالى باياندادى, دەپ حابارلايدى Egemen.kz.
باس سانيتارلىق دارىگەرلەردىڭ قاۋلىسىنا سايكەس ەلىمىز بويىنشا 15 سانيتارلىق (الماتى وبلىسى – 9, قوستاناي وبلىسى – 4 جانە اقتوبە وبلىسى – 2) جانە 4 بلوك-بەكەت (اتىراۋ وبلىسى – 4) قويىلعان. كارانتيندىك ءىس-شارالارعا 10 مىڭنان استام پوليتسيا مەن ۇلتتىق ۇلاننىڭ اسكەري قىزمەتشىلەرى جۇمىلدىرىلعان. 290 كارانتيندىك وبەكتى باقىلاۋعا الىنعان.
سونداي-اق كولىك وبەكتىلەرىندە سانيتارلىق دارىگەرلەرگە جولاۋشىلاردى فيلتراتسيادان وتكىزۋگە جاردەمدەسۋ قامتاماسىز ەتىلەدى. وسى ماقساتتا ەلىمىزدىڭ حالىقارالىق اۋەجايلارىندا 18 باقىلاۋ-قاداعالاۋ پۋنكتى, تەمىرجول ۆوكزالدارىندا 16 باقىلاۋ-قاداعالاۋ پۋنكتى ورناتىلدى. بۇل وبەكتىلەردەگى كۇن سايىنعى جولاۋشىلار اعىنى تيىسىنشە 31 مىڭ جانە 17 مىڭ ادامدى قۇرايدى: نۇر-سۇلتان قالاسىندا تاۋلىك سايىن 10 مىڭعا دەيىن جولاۋشى, الماتىدا تاۋلىك سايىن 20,5 مىڭعا دەيىن ادام تىركەلەدى.
«كولىك وبەكتىلەرىنەن 1 قاڭتاردان بەرى پتر-انىقتاماسى جوق 3200 ازامات كارانتينگە ورنالاستىرىلدى. سوڭعى كۇندەرى تاۋلىك سايىن 150 ادامعا دەيىن كارانتينگە ورنالاستىرىلۋدا», – دەدى ءىىم باسشىسى.
كارانتيندىك شەكتەۋلەردىڭ ساقتالۋىن باقىلاۋ بويىنشا 1 مىڭنان استام ءموبيلدى توپتىڭ قاتىسۋ جۇمىسى جالعاسۋدا. جىل باسىنان بەرى 9 مىڭنان استام رەيدتىك ءىس-شارا وتكىزىلدى. كارانتيندى بۇزۋدىڭ 773 فاكتىسى انىقتالدى, ونىڭ 77%-ى ەلەۋسىز, ياعني ماسكا, سانيتايزەرلەردىڭ بولماۋى, الەۋمەتتىك ارا قاشىقتىقتى ساقتاۋدى بۇزۋ. 175 ورەسكەل بۇزۋشىلىق انىقتالدى, ونىڭ 152-ءسى تۇنگى كلۋبتاردا, ساۋدا ورتالىقتارى مەن مەيرامحانالاردا, 23-ءى مەرەكەلىك ءىس-شارالارا انىقتالدى. جىل باسىنان بەرى تۇركىستان وبلىسىندا ءموبيلدى توپتار بۇزۋشىلىقتاردى بەلسەندى تۇردە انىقتادى, بۇل ەل بويىنشا انىقتالعان بۇزۋشىلىقتاردىڭ 458-ءىن نەمەسە 60%-عا جۋىعىن قۇرايدى. سونىمەن قاتار مينيستر ە. تۇرعىمباەۆ قازىرگى ۋاقىتتا «قىزىل» ايماققا كىرگەن وبلىستارداعى توپتاردىڭ جۇمىسىنىڭ ناشارلىعىن ايتتى.
«اتالعان توپتاردىڭ جۇمىس بەلسەندىلىگىنىڭ تومەندەۋىنە بايلانىستى, ازاماتتار ادامدار كوپ جينالاتىن جەرلەردە ماسكا رەجيمىن ءجيى بۇزا باستادى. سونىمەن قاتار تۇرعىندار اراسىندا ۆيرۋستىڭ قاۋىپسىزدىگى جانە ۆاكتسينالاردىڭ تيىمسىزدىگى تۋرالى جالعان اقپاراتتىڭ تارالۋ فاكتىلەرى بار», – دەدى ىشكى ىستەر ءمينيسترى.
وسىعان بايلانىستى ەرلان تۇرعىمباەۆ وڭىرلەردىڭ اكىمدىكتەرىمەن جانە باس سانيتارلىق دارىگەرلەرىمەن بىرلەسكەن جۇمىس اياسىندا ءموبيلدى توپتاردىڭ ساۋدا ورتالىقتارىندا, مادەني مەكەمەلەردە الدىن الۋ جۇمىستارىنا باسا نازار اۋدارۋىن, سونداي-اق وسى مەكەمەلەردىڭ يەلەرىمەن شەكتەۋ شارالارىن بۇزۋعا جول بەرمەۋ تۋرالى قاتاڭ ءتۇسىندىرۋ جۇمىستارىن جۇرگىزۋدى ۇيىمداستىرۋدى ۇسىندى. جالپى قۇقىق قورعاۋ ۆەدومستۆوسىنىڭ باسشىسىنىڭ ايتۋىنشا, ىشكى ىستەر ورگاندارى ەلىمىزدە شەكتەۋ شارالارىن قامتاماسىز ەتۋ جانە قۇقىقتىق ءتارتىپتى ساقتاۋ بويىنشا بارلىق قاجەتتى شارالاردى قابىلداۋدا.