كەنشىلەر شاھارىنىڭ پاۆلودار وبلىسىندا العاشقىلاردىڭ ءبىرى بولىپ سوڭعى ۇلگىدەگى ءتۇرلى-ءتۇستى 1 مىڭ 300 ەۋروكونتەينەر ورناتۋى وسى سوزىمىزگە دالەل بولا الادى. الداعى ۋاقىتتا قالاعا تاعى 1 مىڭ كونتەينەر ساتىپ الىنباق.
«ەكىباستۇزكوممۋنسەرۆيس» جشس ديرەكتورى جاننا بورامبايقىزىنىڭ ايتۋىنشا, ەۋروكونتەينەرلەر ايىنا ەكى رەت پوليگوندا جۋىلىپ, وڭدەۋدەن وتكىزىلىپ وتىرادى. اتالعان جاڭاشىلدىقتىڭ ناتيجەسىندە كوپ قاباتتى ۇيلەردىڭ دالىزدەرىندەگى قوقىس قۇبىرلارى جابىلدى. وسىلايشا, قولقانى قاباتىن ك ۇلىمسى ءيىس تە كەتتى.
قالا تازالىعىنا جاۋاپ بەرەتىن «ەكىباستۇزكوممۋنسەرۆيس» جشس ەڭبەككەرلەرى قايىرىمدىلىق شارالارىنان دا شەت قالعان ەمەس. 2017 جىلدان باستاپ كاسىپورىن باسشىلىعى ءى توپ-تاعى مۇگەدەكتەرگە, قالانىڭ قۇرمەتتى ازاماتتارىنا جەڭىلدىك جاساپ, ولاردى قوقىس تولەمىنەن بوساتقان ەدى. بيىل جاڭا جىل مەرەكەسى قارساڭىندا بارشا تۇرعىندار ءۇشىن كوممۋنالدىق تولەمنىڭ اقىسىن 10 پايىزعا ازايتتى.
بۇدان بولەك, جاقىندا ەكىباستۇز قالاسىنداعى ء«ۇمىت» بالالار ءۇيىنىڭ 46 بالاسىنا جانە شىدەرتى كەنتىندەگى از قامتىلعان وتباسىلاردىڭ 50 بالاسىنا جاڭاجىلدىق تاتتىلەردى ۇلەستىردى. سونداي-اق كاسىپورىن ءار جۇمىسكەردىڭ جالاقىسىنا قوسىمشا 50 مىڭ تەڭگە سىياقى بەرگەن.
داريا ەرعازينا,
جۋرناليست
پاۆلودار وبلىسى,
ەكىباستۇز قالاسى