پاۆلودار قالاسىنىڭ تۇرعىنى جارتى توننا بالىقتى زاڭسىز تاسىمالداعان, دەپ حابارلايدى Egemen.kz Polisia.kz سايتىنا سىلتەمە جاساپ.
شىعىس قازاقستان وبلىسىنىڭ پوليتسەيلەرى ۇلكەن كولەمدەگى بالىقتى ءتيىستى قۇجاتتارسىز تاسىمالداعانى ءۇشىن پاۆلودار قالاسىنىڭ تۇرعىنىن ۇستادى.
اعىمداعى جىلدىڭ 14 قاڭتارىندا ساع.01.10 كەزىندە وبلىستىق «وسكەمەن-سامار» تاسجولىنىڭ 60 شاقىرىمىندا «گاز» اۆتوكولىگى توقتاتىلدى.
«قۇجاتتاردى تەكسەرۋ بارىسىندا سامار اۋىلىنان وسكەمەن قالاسىنا باعىت العان 30 جاستاعى جۇرگىزۋشى سالماعى 565 كگ «ريپۋس» بالىعىن ءتيىستى رۇقسات قۇجاتتارىنسىز تاسىمالداعانى انىقتالدى. اتالعان فاكتى بويىنشا تەكسەرۋ جۇمىستارى جۇرگىزىلۋدە. ناتيجەسى بويىنشا قۇقىق بۇزۋشى جاۋاپكەرشىلىككە تارتىلادى», دەدى شقو پد باستىعى ساعات ماديەۆ. بۇل «وسكەمەن-الماتى» تاسجولىندا ورىن العان ءبىرىنشى وقيعا ەمەس.
شقو پوليتسيا دەپارتامەنتى, بالىق رەسۋرستارىن, باسقا دا سۋ جانۋارلارىن نەمەسە وسىمدىكتەرىن زاڭسىز اۋلاعانى ءۇشىن قك-ءنىڭ 355-بابى بويىنشا بەس جىلعا دەيىن باس بوستاندىعىنان ايىرۋ جازاسى كوزدەلگەنىن ەسكەرتەدى.