بۇگىنگى پارلامەنت پالاتالارىنىڭ بىرلەسكەن وتىرىسىندا مەملەكەت باسشىسى قاسىم-جومارت كەمەل ۇلى توقاەۆ وتە مازمۇندى بايانداما جاسادى. وندا قول جەتكەن جەتىستىكتەر مەن قازاقستان تاۋەلسىزدىگىنىڭ الداعى 30 جىلدىعى قارساڭىنداعى, ءتورتىنشى ونجىلدىق ەلىمىزدىڭ نەگىزگى باسىمدىق رەتىندە قازاقستاندى قۋاتتى مەملەكەتكە اينالدىرۋ دەگەن ماسەلە كوتەرىلدى. وسى ايتىلعان ساياساتتى قولدايمىز, قۇپتايمىز.
وتكەنى, مەملەكەت قۋاتتى, ادامدار قاجىرلى, جىگەرلى بولمايىنشا العا جىلجۋ قيىنداي بەرەدى. سوندىقتان دا مەملەكەت باسشىسىنىڭ قويىپ وتىرعان تالابى وتە ورىندى, ول ءۇشىن حالىقتىڭ دەنى ساۋ بولى كەرەك. دەنساۋلىق ماسەلەسىنە, ءبىلىم ماسەلەسىنە, ازاماتتاردىڭ ءال-اۋقاتىن ارتتىرۋ ماسەلەسىنە بىرقاتار جاقسى ۇسىنىستار بولدى. سونىمەن بىرگە قوعامنىڭ اشىقتىعىن قامتاماسىز ەتۋ تۇرعىسىندا دا ۇلكەن ويلار ايتىلدى.
ول كىسىنىڭ ءوزى ايتىپ جۇرگەن «كۇشتى پرەزيدەنت, ىقپالدى پارلامەنت, جاۋاپتى ۇكىمەت» دەگەن قاعيدالارىن قازىرگى ومىردە شەشىمىن تابۋعا ءتيىستى ءۇش تىرەكتى بولاتىن بولسا, سونى وسىلاي ايتۋعا بولادى. سونىڭ ىشىندە پارلامەنتتىڭ الدىنا ەكى ءتۇرلى مىندەت قويدى. ونىڭ ءبىرى – ساپالى زاڭ شىعارۋ, قابىلداۋ, ەكىنشىسى پارلامەنتتى بۇكىل قوعامداعى ءىرىلى-ۇساقتى ماسەلەلەردىڭ شەشىمىن تاباتىن ورتالىققا اينالدىرۋ دەگەن ماسەلە بولىپ وتىر.
بۇل دا وتە ماڭىزدى دەپ ەسەپتەيمىن. سوندىقتان مەملەكەت باسشىسى العا قويىپ وتىرعان تالاپتارىن, العا قويعان ماقساتتاردى بىرلەسە ورىنداۋ جاڭادان مىنا جەتىنشى شاقىرىلعان پارلامەنت دەپۋتاتتارىنىڭ قولىنان كەلەدى, وعان سەنات دەپۋتاتتارى ۇلكەن سەرپىنمەن اتسالىسادى دەپ ايتا الامىز.
نۇرتورە ءجۇسىپ,
پارلامەنت سەناتىنىڭ دەپۋتاتى