حريستيان-دەموكراتيالىق وداق سەزدى جاڭا توراعاسىن سايلاماق. سايلانعان توراعا وسى جىلدىڭ قىركۇيەك ايىنداعى سايلاۋدا گەرمانيا كانتسلەرلەرى كونسەرۆاتورلارىنىڭ كانديداتى بولا الادى سونىمەن قاتار, انگەلا مەركەلدىڭ ورنىن الۋى دا مۇمكىن, دەپ حابارلايدى Egemen.kz
حدو-نىڭ ەكى كۇندىك سەزى 15 قاڭتاردا باستالادى. سەزد سەنبىدە حدو-نىڭ پارتيانىڭ جەتەكشىسى رەتىندە انگەلا مەركەلدىڭ ءۇمىتىن اقتاماعان اننەگرەت كرامپ-كاررەنباۋەردىڭ ورنىنا جاڭا توراعا سايلاۋ ماقساتىمەن شاقىرىلعان.
اتالمىش سەزد ونلاين وتكىزىلەدى. باسقارما مۇشەلەرى, توراعاعا ۇمىتكەرلەر جانە سەزد دەلەگاتتارى ۇيلەرىنەن ۆەب-كامەرا ارقىلى داۋىس بەرەتىن بولادى. ولار جاڭا توراعاعا ەكى رەت داۋىس بەرۋى ءتيىس: ونلاين تۇردە جانە پوشتا ارقىلى.
مۇنداي ەكى ساتىلى ءراسىم گەرمانيانىڭ پارتيالار تۋرالى زاڭىندا توراعانى تەك ونلاين رەجيمىندە سايلاۋ قاراستىرماعاندىقتان تاڭدالىپ وتىر.
حريستيان دەموكراتتارىنىڭ كوشباسشىلىعىنا ۇمىتكەر بولىپ وتىرعان ءۇش ەر ادام بار. بۋندەستاگ سىرتقى ساياسي كوميتەتىنىڭ توراعاسى نوربەرت رەتتگەن, سولتۇستىك رەين-ۆەستفاليا فەدەرالدى جەرىنىڭ ەڭ ۇلكەن پرەمەر - ءمينيسترى ارمين لاشەت جانە بيزنەستەن ساياساتقا ورالعان فريدريح مەرتس.
ايتولقىن مىرزاكاريم