پارتيالىق تىزىمدەر بويىنشا ءوتىپ جاتقان پارلامەنت ءماجىلىسى جانە وبلىستىق, قالالىق, اۋداندىق ءماسليحاتتار دەپۋتاتتارى سايلاۋى ءۇشىن ماڭعىستاۋ وبلىسى بويىنشا 231 سايلاۋ ۋچاسكەسى جۇمىس ىستەدى, ونىڭ 14-ءى ۆاحتالىق ادىسپەن جۇمىس ىستەيتىن كەن ورىندارى مەن اسكەري بولىمدەردەگى جابىق سايلاۋ ۋچاسكەلەرى.
تەڭىز ارالدارىندا ورنالاسقان اسكەري بولىمدەردەگى قىزمەتكەرلەردىڭ داۋىس بەرۋىن ۇيىمداستىرۋ ءۇشىن تىكۇشاق بولىنگەن, دەيدى ارنايى ورىندار. ماڭعىستاۋدا وبلىستىق, اۋداندىق, قالالىق ماسليحاتتارعا بارلىعى 319 كانديدات تىركەلگەن بولسا, ونىڭ 131-ءى ايەلدەر مەن جاستار.
سايلاۋعا ماڭعىستاۋ اۋدانىندا ءبىرى 100-گە, ەكىنشىسى 104-كە كەلگەن قوس كەيۋانا, كوپ بالالى وتباسى, جۋىردا ەگىز ۇلى دۇنيەگە كەلگەن الىبەك دۇيسەنوۆ بالا-شاعاسىمەن بارىپ داۋىس بەردى. بالالارىن ەرتىپ بارۋ سەبەبىن ول «جاستايىنان ەلدىك شارالاردىڭ ماڭىزدىلىعىن ءتۇسىنىپ ءوسۋى قاجەت» دەپ ءتۇسىندىردى.
سايلاۋ ۋچاسكەلەرىندە سانيتارلىق جاعدايلار ساقتالىپ, كەلۋشىلەردىڭ قىزۋى ولشەنىپ, انتيسەپتيكتەر قولدانىلدى.
ماڭعىستاۋ وبلىسى