نۇرسۇلتان نازارباەۆ ەلورداداعى سايلاۋ ۋچاسكەسىندە داۋىس بەردى

سايلاۋ ۋچاسكەسىنىڭ توراعاسى مارات ءمۋسيننىڭ ايتۋىنشا, ۋچاسكەدە 3 592 سايلاۋشى تىركەلگەن.

«ۋچاسكە ۋاقىتىندا اشىلىپ, ساعات 07:00-دەن باستاپ تۇرعىندار داۋىس بەرۋگە كەلىپ جاتىر. داۋىس بەرۋگە كەلۋ قارقىنى جاقسى. سايلاۋ ۋچاسكەسىندەگى بارلىق راسىمدەر زاڭناماعا سايكەس ىسكە اسىرىلدى», - دەدى ۋچاسكە توراعاسى. ۋچاسكەگە ساعات 06:00-دەن باستاپ بايقاۋشىلار جانە باق وكىلدەرى كەلدى. تاڭەرتەڭنەن بەرى بايقاۋشىلار تاراپىنان ەسكەرتۋلەر بوعان جوق دەدى ول.

ۋچاسكەدە داۋىس بەرۋ زالى ورتالىق حولدا ورنالاسقان. سايلاۋشىلاردى نەگىزگى كىرەبەرىستەن كىرگىزىپ جاتىر. ول جەردە الدىمەن كۇزەت قىزمەتىنىڭ تەكسەرىسىنەن ءوتۋ كەرەك.

ودان كەيىن ىشكە قاراي كىرۋگە رۇقسات بار. سايلاۋ ۋچاسكەسىنىڭ مۇشەلەرى شىنى توسقاۋىلدىڭ ارعى جاعىندا وتىرادى. ال بيۋللەتەندەردى استىنان بەرەدى. بۇل - ساقتىق شارالارى.

ەسكە سالا كەتەيىك, ەلىمىزدە پارلامەنتى ءماجىلىسى مەن ءماسليحات دەپۋتاتتارىن سايلاۋ باستالدى. قازاقستان بويىنشا 10 061 سايلاۋ ۋچاسكەسى جۇمىس ىستەپ تۇر. تۇتاستاي سايلاۋشىلاردىڭ سانى 11 ملن 820 مىڭ ادامدى قۇرايدى. نۇر-سۇلتان ۋاقىتى ساعات 10.00 بويىنشا ەلەكتوراتتىڭ 11,6% داۋىس بەرىپ ۇلگەردى.