اتىراۋ وبلىستىق سانيتاريالىق-ەپيدەميولوگيالىق باقىلاۋ دەپارتامەنتى ءباسپاسوز قىزمەتىنىڭ مالىمەتىنشە, 9-11 سىنىپتاردىڭ وقۋشىلارى ءۇشىن ساباقتى وفلاين وتكىزۋ جونىندە شەشىم قابىلدانعان جوق, دەپ حابارلايدى Egemen.kz.
«وبلىستىڭ باس مەملەكەتتىك سانيتاريالىق دارىگەرىنىڭ 2020 جىلعى 19 جەلتوقسانداعى №71 قاۋلىسىنا سايكەس, وقۋشىلار ساباقتى قاشىقتان وقيدى. بۇل وڭىردەگى ەپيدەميولوگيالىق جاعدايعا بايلانىستى بولىپ وتىر» دەپ حابارلادى دەپارتامەنتتىڭ ءباسپاسوز قىزمەتى.
بۇدان بۇرىن اتىراۋ وبلىسىنىڭ باس سانيتار دارىگەرىنىڭ №71 قاۋلىسىندا: «اتىراۋ وبلىسىنىڭ اۋماعىندا ەپيدەميولوگيالىق جاعداي تۇراقتالعانعا دەيىن شارۋاشىلىق جانە (نەمەسە) وزگە دە قىزمەتپەن جانە حالىقتىڭ تىنىس-تىرشىلىگىنىڭ ەرەكشە جاعدايلارىمەن شەكتەۋ شارالارى ەنگىزىلسىن. شەكتەۋ ءىس-شارالارىنىڭ رەجيمى مەن مەرزىمدەرى وبلىس اۋماعىندا COVID-19 كوروناۆيرۋستىق ينفەكتسياسىنىڭ تارالۋى بويىنشا احۋالدىڭ وزگەرۋىنە سايكەس قايتا قارالۋى مۇمكىن» دەلىنگەن ەدى.