8 قاڭتار كۇنى تاڭەرتەڭ 1414 نومەرىنەن 400 مىڭنان استام قازاقستاندىققا «5 شىلدەدەن باستاپ تابىسىڭىزدى جوعالتقان بولساڭىز, 42 500 تولەمىن بەلسەندى تۇردە الۋعا كەلىسەسىز بە؟» دەگەن مازمۇنداعى سمس-حات تارالدى, دەپ حابارلايدى Egemen.ءkz تىلشىسى zakon.kz سايتىنا سىلتەمە جاساپ.
«ۇلتتىق اقپاراتتىق تەحنولوگيالار» اق بۇل تەحنيكالىق اقاۋ ەكەنىن حابارلادى.
- تۇندە جۇيەلەردى جاڭارتۋ بويىنشا ستاندارتتى جۇمىستار جۇرگىزىلدى, سالدارىنان تولەمدەردى تاعايىنداۋ تۋرالى ەسكى حابارلاما تارالىپ كەتكەن. بايلانىس وپەراتورلارىنىڭ 400 000 ابونەنتىنە حابارلاما بەرىلگەن. بۇل جاعداي ادام فاكتورىنىڭ سالدارى. مازاسىزدىق ءۇشىن كەشىرىم سۇرايمىز جانە تۇسىنىستىك تانىتقاندارىڭىز ءۇشىن العىس ايتامىز! - دەپ حابارلادى "ۇات" اق ءباسپاسوز حاتشىسى جانار ماعزۇموۆا.