«اق جولدىڭ» ۇگىت-ناسيحات ناۋقانى اياسىندا «پولەميكالىق ەكونوميكا» جيناعى جارىق كوردى. پارتيانىڭ رەسپۋبليكالىق شتابىندا جيناقتىڭ تۇساۋكەسەرى ءوتتى.
«اق جول» سايلاۋالدى باعدارلاماسىن ىسكە اسىرۋ جونىندەگى 2016 جىلعى جۇمىسى, ونىڭ پارلامەنتتىك فراكتسياسىنىڭ قىزمەتى تۋرالى ماتەريالدار جيناعى «اق جول» پارتياسىنىڭ ۇگىت-ناسيحات ناۋقانى شەڭبەرىندە ەكى بولىمنەن تۇراتىن جيناق رەتىندە جارىق كوردى. جيناقتا «اق جول» پارتياسىنىڭ توراعاسى ازات پەرۋاشەۆتىڭ سويلەگەن سوزدەرىنىڭ, جاريالانىم- دارىنىڭ اۆتورلىق ماتىندەرى, فراكتسيانىڭ دەپۋتاتتىق ساۋالدارى قامتىلعان.
«اق جول» پارتياسى مەن ونىڭ كوشباسشىسىنىڭ نارىقتىق ەكونوميكانى دامىتۋ جانە جەكە بيزنەستىڭ مۇددەلەرىن قورعاۋ جونىندەگى قىزمەتى باستى نازاردا. سونىمەن بىرگە ولار تاۋەلسىزدىكتى نىعايتۋ جانە دەموكراتيالىق ينستيتۋتتار ارقىلى ۇلتتىق مۇددەنى دامىتۋ مىندەتتەرىنە جاۋاپكەرشىلىكپەن قارايدى.
جيناقتا «اق جول» پارتياسىنىڭ نەگىزگى باعدارلامالىق باعىتتارىنا جەكە-جەكە توقتالعان: كاسىپكەرلىكتى قولداۋ, قازاقستاندىق قوعامدى دەموكراتيالاندىرۋ, سىبايلاس جەمقورلىققا قارسى كۇرەس جانە وزگە دە بولىمدەرگە توقتالعان.
«اق جول» فراكتسياسى جۇمىسىنىڭ قورىتىندىسى بويىنشا بەسىنشى شاقىرىلىمدا جاريالانعان وسىنداي جيناققا قاراعاندا, بۇگىنگى جارىققا شىعارىلىپ وتىرعان باسىلىمدا ماتەريالدار 2 ەسە كوپ. بۇل فراكتسيانىڭ 6 شاقىرىلىمداعى ەرەكشە بەلسەندىلىگىن كورسەتەدى. كىتاپ ءبىزدىڭ بولاشاق جۇمىسىمىزدا دا جاقسى كومەكشى بولاتىنىنا سەنىمدىمىز», دەپ اتاپ ءوتتى ازات پەرۋاشەۆ.
«پولەميكالىق ەكونوميكا» جيناعى ەكونوميستەر مەن ساياساتتانۋشىلارعا, قازىرگى قازاقستاننىڭ مەملەكەتتىك جانە ەكونوميكالىق قۇرىلىس ۇردىستەرىنە, سونداي-اق ەلىمىزدىڭ بۇگىنى مەن بولاشاعى تۋرالى پىكىرتالاستارعا قىزىعۋشىلىق تانىتاتىن ءاربىر ادامعا قىزىق بولماق.
سايلاۋعا بىرنەشە كۇن قالعاندا ساياسي پارتيانىڭ ۇگىت-ناسيحات جۇمىسى ارتا تۇسپەسە, باسەڭدەمەدى. وسى ۋاقىتقا دەيىن ەلىمىزدىڭ وڭىرلەرىن ارالاپ, حالىقپەن كەزدەسكەن پارتيا بەلسەندىلەرى ولاردىڭ مۇڭ-مۇقتاجىن تىڭداپ, الاڭداتقان سۇراقتارىنا جاۋاپ بەرۋگە تىرىستى. ولاردىڭ ىشىندە ەڭ وزەكتى دەگەن ماسەلەلەر الەۋمەتتىك سالاعا تىكەلەي بايلانىستى. قاراپايىم جۇمىسشىنىڭ, جاستاردىڭ تۇرعىن ۇيگە قول جەتكىزۋ مۇمكىندىگى, نەسيە الۋى جانە وزگە دە پروبلەمالار بار. اقجولدىقتار ۇگىت-ناسيحات كەزىندە شىعىس قازاقستان, ماڭعىستاۋ, باتىس قازاقستان, تۇركىستان, قوستاناي, اقتوبە, جامبىل وبلىستارى مەن شىمكەنت, الماتى, نۇر-سۇلتان قالالارىنىڭ سايلاۋشىلارىمەن كەزدەسىپ, پارتيانىڭ سايلاۋالدى باعدارلاماسىن تانىستىردى.
ودان بولەك پارتيا بەلسەندىلەرى قازىرگى ەپيدەميالىق احۋالدى ەسكەرە وتىرىپ, «ەسىكتەن ەسىككە» اكتسياسىن دا قولعا الدى. «اق جول» پارتياسى ءوزىنىڭ سايلاۋالدى ۇگىت-ناسيحات جۇمىسىندا كاسىپكەرلەرگە ەرەكشە نازار اۋداردى. ەلدەگى شاعىن جانە ورتا بيزنەستى دامىتۋ, جەكە كاسىپكەرلىكتى قولداۋ ماسەلەسى – پارتيا باعدارلاماسىنىڭ نەگىزگى باعىتتارىنىڭ ءبىرى.
ساياسي ناۋقاندا پارتيانىڭ جاستار قاناتى دا اسا بەلسەندىلىك تانىتتى. الماتى, ماڭعىستاۋ وڭىرلەرىنىڭ جاستارى «اق جولدى» قولداپ, ارنايى ناۋقان ۇيىمداستىردى.