الماتى قالاسىندا «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن» قالالىق كواليتسياسىنىڭ العاشقى ۇيىمداستىرۋ وتىرىسى وتەدى. قالالىق بىرلەستىك رەسپۋبليكالىق باستاما اياسىندا قۇرىلىپ وتىر, دەپ جازادى Egemen.kz.
اتالعان باستاما قازاقستان رەسپۋبليكاسى پارلامەنتى ءماجىلىسىنىڭ توراعاسى ەرلان قوشانوۆ توراعالىق ەتكەن وتىرىستىڭ قورىتىندىسى بويىنشا قۇرىلعان جالپىۇلتتىق كواليتسيا شەڭبەرىندە جۇزەگە اسىرىلىپ جاتىر.
كونستيتۋتسيا – كەمەل كەلەشەك كەپىلى
قالالىق كواليتسيا قۇرامىنا مەگاپوليستەگى قوعامدىق-ساياسي ينستيتۋتتاردىڭ شامامەن 200 وكىلىن بىرىكتىرۋ كوزدەلگەن. ولاردىڭ قاتارىندا ءماسليحات دەپۋتاتتارى, ساياسي پارتيالار وكىلدەرى, قوعامدىق كەڭەس مۇشەلەرى, عىلىمي-ساراپشىلىق ورتا, زيالى قاۋىم, ارداگەرلەر مەن جاستار ۇيىمدارىنىڭ وكىلدەرى بار.
ەرلان قارين اتا زاڭنىڭ باستى ەرەكشەلىگىن اتادى
ۇيىمداستىرۋ وتىرىسىندا كواليتسيا جۇمىسىنىڭ قۇرىلىمى ناقتىلانىپ, دەربەس قۇرامى مەن باسشىلىعى بەكىتىلەدى. سونىمەن بىرگە الداعى كەزەڭدەگى قىزمەتىنىڭ باسىم باعىتتارى ايقىندالادى.
ساراپشى: اتا زاڭ اسىعىس جازىلعان جوق
قالالىق كواليتسيانىڭ نەگىزگى مىندەتى – كەڭ اۋقىمدى قوعامدىق-ساياسي بىرلەستىك قالىپتاستىرىپ, الداعى رەسپۋبليكالىق رەفەرەندۋمعا قاتىستى ماسەلەلەر بويىنشا حالىق اراسىندا جۇيەلى اقپاراتتىق-ءتۇسىندىرۋ جۇمىستارىن جۇرگىزۋ. بۇل باستاما ازاماتتاردىڭ كونستيتۋتسيالىق رەفورمالار جونىندەگى حاباردارلىعىن ارتتىرۋعا جانە قوعامدىق ديالوگتى كۇشەيتۋگە باعىتتالعان.