قىرعىزستان پرەزيدەنتى قامچىبەك تاشيەۆتى قىزمەتىنەن بوساتۋ تۋرالى شەشىم قابىلداماس بۇرىن, وعان قوڭىراۋ شالىپ, جاعدايدى تۇسىندىرگەن. شەشىمدى سودان كەيىن عانا قابىلداعان. سادىر جاپاروۆ بۇل تۋرالى «كابار» اگەنتتىگىنە بەرگەن سۇحباتىندا ايتتى, دەپ حابارلايدى Egemen.kz.
پرەزيدەنتتىڭ ايتۋىنشا, بۇل شۇعىل شەشىم دوسىن قورعاۋ ءۇشىن قابىلدانعان.
«ويتكەنى ونىڭ قاسىنداعى «اقساقالدار» مەن «كوكساقالدار» ءبارىبىر تۋرا جولدان تايدىرۋعا تىرىساتىن ەدى», دەدى سادىر جاپاروۆ.
قامچىبەك تاشيەۆتىڭ اتىن جامىلعان توپ پارلامەنت دەپۋتاتتارىن, مەملەكەتتىك قىزمەتكەرلەردى جانە قوعامدا تانىمال ادامداردى «گەنەرالدىڭ جاعىنا وتىڭىزدەر» دەپ ۇگىتتەي باستاعان.
مەملەكەت باسشىسى قىرعىزستان پرەزيدەنتىمەن تەلەفون ارقىلى سويلەستى
«ەگەر مەن ونى قىزمەتىنەن بوساتپاسام, ولاردىڭ ارەكەتتەرى كۇشەيىپ, مەملەكەتتىك اپپارات پەن قوعام اراسىندا بولىنۋلەر تۋىنداۋى مۇمكىن ەدى. سوندىقتان مەن دوسىمدى قىزمەتتەن بوساتۋعا ءماجبۇر بولدىم. مەن ءۇشىن ەڭ باستىسى − ەلدەگى تۇراقتىلىق», دەدى قىرعىزستان پرەزيدەنتى.
قامچىبەك تاشيەۆ: قىزمەتتەن بوساتىلۋ مەن ءۇشىن كۇتپەگەن شەشىم بولدى