قازاقستاندا مەتەورولوگيالىق بولجاۋدىڭ جاڭا كەزەڭى باستالدى. «قازگيدرومەت» ەلىمىزدىڭ بۇكىل اۋماعىن قامتيتىن, كەڭىستىكتىك اجىراتىمدىلىعى 2 شاقىرىم بولاتىن زاماناۋي ساندىق مودەلدى ىسكە قوستى. جوبا ءال-فارابي اتىنداعى قازاق ۇلتتىق ۋنيۆەرسيتەتىنىڭ سۋپەركومپيۋتەرلىك ورتالىعى بازاسىندا جۇزەگە استى, دەپ جازادى Egemen.kz.
ۋنيۆەرسيتەتتە سۋپەركومپيۋتەرلىك ورتالىعىنىڭ ەسەپتەۋ رەسۋرستارىندا Weather Research and Forecasting (WRF) ساندىق اۋا رايىن بولجاۋ مودەلى ىسكە قوسىلدى. جوبانى جۇزەگە اسىرۋعا ەكولوگيا جانە تابيعي رەسۋرستار مينيسترلىگى قولداۋ كورسەتتى. ورتالىق ازياداعى ەڭ قۋاتتى سۋپەركومپيۋتەر پايدالانۋعا بەرىلگەننەن كەيىن مينيسترلىك باستاماسىمەن ۇلتتىق گيدرومەتەورولوگيالىق قىزمەت پەن ۋنيۆەرسيتەت اراسىندا تىعىز ارىپتەستىك ورنادى.
قازاقستان الەمدەگى توپ-100 سۋپەركومپيۋتەر قاتارىنا ەندى
كۇن سايىن اۆتوماتتى رەجيمدە جۇمىس ىستەيدىقازىر سۋپەركومپيۋتەردە WRF مودەلى كۇن سايىن اۆتوماتتى تۇردە ىسكە قوسىلادى. سونىڭ ناتيجەسىندە ەل اۋماعى بويىنشا:
اۋا تەمپەراتۋراسى, جاۋىن-شاشىن مولشەرى, جەلدىڭ باعىتى مەن جىلدامدىعى, مەتەوگراممالار بويىنشا ناقتى بولجامدار قالىپتاستىرىلادى.ەسەپتەۋلەر تولىق اۆتوماتتاندىرىلعان. سونىمەن قاتار مودەل ناتيجەلەرىنىڭ ساپاسى مەن دالدىگىن ارتتىرۋ ءۇشىن قوسىمشا تالداۋ جۇمىستارى قاتار جۇرگىزىلەدى.
اسقار جۇمادىلداەۆ: سۋپەركومپيۋتەر كۇردەلى ەسەپتى ءۇش ساعاتتا شىعارىپ بەرەدى
گيدرومەتەورولوگيالىق قاۋىپسىزدىككە سەرپىنجوبانىڭ باستى ماقساتى – ەلدىڭ گيدرومەتەورولوگيالىق قاۋىپسىزدىگىن نىعايتۋ جانە قاۋىپتى تابيعي قۇبىلىستار تۋرالى ەرتە ەسكەرتۋ جۇيەسىن جەتىلدىرۋ. بۇل باستاما عىلىم مەن ءوندىرىستىڭ ءتيىمدى ىقپالداستىعىن كورسەتەدى. مەملەكەتتىك قۇرىلىم مەن جەتەكشى جوعارى وقۋ ورنى اراسىنداعى ارىپتەستىك مەتەورولوگيالىق قىزمەت ساپاسىن جاڭا دەڭگەيگە كوتەرۋگە جول اشىپ وتىر.
مامانداردىڭ ايتۋىنشا, 2 شاقىرىم اجىراتىمدىلىقتاعى WRF مودەلىن ەنگىزۋ – قازاقستانداعى مەتەورولوگيا سالاسىن جاڭعىرتۋدىڭ ماڭىزدى قادامى. ەندى پايدالانۋشىلار «اۋا رايىنىڭ ساندىق بولجامى» بولىمىندە مودەل ەسەپتەۋلەرىنىڭ ناتيجەلەرى مەن ەلىمىزدىڭ بارلىق ءوڭىرى بويىنشا بولجام كارتالارىن كورە الادى.
2030 جىلعا قاراي سۋپەركومپيۋتەرلەر كەز كەلگەن قۇپياسوزدى بۇزا الادى