2022 جىلى وبلىس اكىمدىگى مەن «وتباسى بانك» بىرلەسىپ, جۇمىسشى جاستاردى قولجەتىمدى باسپانامەن قامتاماسىز ەتەتىن «قوستاناي جاستارى» باعدارلاماسىن ىسكە قوسقان. سودان بەرى كوپتەگەن جاس وتباسى وسى باعدارلامانىڭ كومەگىمەن 5 پايىزدىق نەسيە رەسىمدەپ, ءۇي ساتىپ الىپ جاتىر, دەپ حابارلايدى Egemen.kz.
ءوڭىردىڭ بەلسەندى جاستارىمەن كەزدەسكەن وبلىس اكىمى قۇمار اقساقالوۆ اتالعان باعدارلاما اياسىندا 344 جاس وتباسى باسپانالى بولعانىن ايتتى.
«بۇل باعدارلاما بويىنشا «وتباسى بانك» جەڭىلدەتىلگەن نەسيە بەرۋدى جالعاستىرادى. بيىل «قوستاناي جاستارى» باعدارلاماسى بويىنشا 60 جاس وتباسى پاتەر الادى. سونىمەن قاتار, جاستارعا جاقسى تاربيە, ساپالى ءبىلىم بەرۋ ءۇشىن الەۋمەتتىك ماڭىزى بار كوپتەگەن نىساندار سالىنىپ جاتىر. مىسالى, سوڭعى ءۇش جىل ىشىندە ءبىز ءوڭىر تۇرعىندارى ءۇشىن 27 مەكتەپ, 35 ءبىلىم نىسانىن, 37 مەديتسينالىق عيمارات, 6 مادەنيەت ءۇيىن سالدىق», دەدى وبلىس اكىمى.
جاس عالىمدارعا پاتەر كىلتى تابىستالدى
قىزىلوردادا 100 جاس وتباسى باسپانالى بولدى