ماۋلەن اشىمباەۆ روجدەستۆو مەرەكەسىمەن قۇتتىقتادى

روجدەستۆو جاقسىلىقتىڭ, مەيىرىمدىلىكتىڭ, ءوزارا كومەك پەن ادامگەرشىلىكتىڭ سالتاناتىن بىلدىرەتىن رۋحاني داستۇرلەردىڭ باستاۋى. ءاربىر ادامنىڭ ءدىني سەزىمىن قۇرمەتتەۋ -  مەملەكەتىمىزدىڭ باستى قاعيدالارىنىڭ ءبىرى. قازاقستاندا روجدەستۆو قۇربان ايتپەن قاتار نەگىزگى مەرەكەلەردىڭ ءبىرى رەتىندە اتاپ وتىلەدى, - دەدى ول. 

سونداي-اق ەگەمەندىك العاننان بەرى ەلىمىزدە ەتنوسارالىق كەلىسىم مەن ءوزارا ديالوگتى نىعايتۋعا باسا نازار اۋدارىلىپ كەلە جاتقانىنا توقتالدى.

مەملەكەت باسشىسى ءوزىنىڭ «تاۋەلسىزدىك بارىنەن قىمبات» اتتى ماقالاسىندا ءبىز ءۇش ونجىلدىق ىشىندە الۋاندىقتى ءوزىمىزدىڭ باسەكەلەستىك ارتىقشىلىعىمىزعا اينالدىرا العانىمىزدى جانە ەتنوسارالىق كەلىسىمدى ودان ءارى ساقتاۋ تەك مەملەكەتتىك ورگاندار ءۇشىن عانا ەمەس, بۇكىل قوعام, ءاربىر ازامات ءۇشىن مىندەت بولىپ تابىلاتىنىن اتاپ ءوتتى. بۇل باعىتتا الداعى كەزەڭدە بەيبىتشىلىكتى, كەلىسىمدى نىعايتۋعا جانە ءبىزدىڭ ورتاق وتانىمىز – قازاقستان رەسپۋبليكاسىن دامىتۋعا پراۆوسلاۆ قاۋىمى بەلسەندى ىقپال ەتەتىنىنە سەنىمدىمىن. بارلىق پراۆوسلاۆتارعا زور دەنساۋلىق, اماندىق جانە يگى ىستەر مەن باستامالاردا تابىس تىلەيمىن, - دەدى م. اشىمباەۆ.