سەنات دەپۋتاتتارى باقىتجان جۇماعۇلوۆ پەن نۇرلان بەكەنوۆ اقمولا وبلىسىندا بولدى, دەپ حابارلايدى Egemen.kz.
سەناتورلار ساپار بارىسىندا بۋراباي اۋدانىنداعى وقۋ ورىندارىندا, ونىڭ ىشىندە دارىندى بالالارعا ارنالعان مەكتەپتە, اقكول اۋدانىندا ورنالاسقان «Smart Aqkol-2018» دەمونستراتسيالىق-احۋالدىق ورتالىعىندا جانە باسقا دا بىرقاتار الەۋمەتتىك ماڭىزدى وبەكتىلەردە بولدى.
دەپۋتاتتار سوڭعى تالاپتارعا ساي جابدىقتالعان ءبىلىم بەرۋ ۇيىمدارىنىڭ جۇمىسىمەن تانىسىپ قانا قويماي, ونداعى قىزمەتكەرلەرمەن, ۇستازدارمەن وزەكتى ماسەلەلەر بويىنشا پىكىر الماستى.
سونىمەن قاتار سەناتورلار ۇستازدارعا وتكەن جىلدىڭ سوڭىندا پارلامەنت قابىلداعان ء«بىلىم تۋرالى» زاڭعا ەنگىزىلگەن ماڭىزدى وزگەرىستەر مەن تولىقتىرۋلار, ونىڭ ۇستازدار قاۋىمىنا پايداسى جونىندە اشىپ ايتىپ بەردى.
سەناتورلار ودان ءارى رەسپۋبليكالىق عارىشتىق بايلانىس ورتالىعىندا بولدى. مەكەمە ديرەكتورى بۇگىندە 52 ينجەنەرى بار ورتالىقتىڭ جۇمىسىمەن تانىستىردى.
ساپار بارىسىندا دەپۋتاتتار ءوڭىر باسشىلارىمەن كەزدەسىپ, تۇرعىنداردىڭ الەۋمەتتىك جاعدايلارىن جاقسارتۋ, ءوڭىردى دامىتۋ بويىنشا ءوز ۇسىنىستارىن جەتكىزدى.