قاڭتار ايىندا گەرمانيانىڭ وبەرحوف قالاسىندا بياتلوننان الەم كۋبوگىنىڭ ەكى كەزەڭى وتەدى دەپ جوسپارلانعان.
ۇلتتىق وليمپيادا كوميتەتىنىڭ مالىمەتى بويىنشا, الەم كۋبوگىنىڭ بەسىنشى كەزەڭى 7-10 قاڭتار ارالىعىندا ۇيىمداستىرىلادى. سپورتشىلار سپرينت, ءىز كەسۋ جارىسى, ەستافەتا جانە سينگل-ميكست بويىنشا ءوزارا جەڭىمپازداردى انىقتايدى.
سونداي-اق الەم كۋبوگىنىڭ التىنشى كەزەڭىن دە وبەرحوف قالاسى قابىلداماق. 13-17 قاڭتاردا ۇيىمداستىرىلاتىن دوداعا قازاقستان كومانداسى دا قاتىسادى. ايتا كەتەلىك, بياتلوننان قازاقستان كومانداسى بۇل كۇندەرى ەۋروپادا جاتتىعۋ جيىندارىن وتكىزىپ جاتىر.