مەملەكەت باسشىسى قاسىم-جومارت توقاەۆ «Egemen Qazaqstan» گازەتىندە جاريالانعان «تاۋەلسىزدىك بارىنەن قىمبات» اتتى ماقالاسىندا وسكەلەڭ ۇرپاق قاستەرلى تاۋەلسىزدىگىمىزدىڭ قادىرىن جەتە ءتۇسىنۋى ءتيىس ەكەنىن ايتتى, دەپ حابارلايدى Egemen.kz.
«بۇگىندە تاۋەلسىزدىك قۇرداستارى ويى تولىسقان وتىز جاسقا تولدى. ەگەمەن ەلدە دۇنيەگە كەلىپ, ءوسىپ-جەتىلگەن ولاردىڭ ساناسى سەرگەك, كوزقاراستارى دا, ءومىر سالتتارى دا وزگەشە. ءتىپتى, تاۋەلسىزدىكتى ەشبىر دالەلدى قاجەت ەتپەيتىن اكسيوما دەپ بىلەدى. بۇل – ەگەمەندىك ۇعىمى جاستاردىڭ ساناسىنا بەرىك ورنىققانىن كورسەتەتىن قالىپتى قۇبىلىس. بىراق تاۋەلسىزدىك قۇندىلىعى جادىنا ءبىرجولا شەگەلەنىپ, ماڭگى ساقتالۋى ءۇشىن وسكەلەڭ ۇرپاق ونىڭ قادىرىن ءبىلۋى كەرەك», دەپ جازدى قاسىم-جومارت توقاەۆ.