قازاقستان رەسپۋبليكاسى پرەزيدەنتىنىڭ وكىمى

 قازاقستان رەسپۋبليكاسى پرەزيدەنتىنىڭ وكىمى

«مەرەيلى وتباسى» ۇلتتىق كونكۋرسى تۋرالى

ونەگەلى قۇندىلىقتاردى جانە وتباسى مەن نەكەنىڭ جاعىمدى بەينەسىن ساناعا ءسىڭىرۋ, وتباسى مارتەبەسىن ارتتىرۋ ماقساتىندا:

1. «مەرەيلى وتباسى» ۇلتتىق كونكۋرسى (بۇدان ءارى – كونكۋرس) جىل سايىن وتكىزىلەتىن بولىپ بەلگىلەنسىن.

2. كونكۋرستىڭ لاۋرەاتى اتاعىن بەرۋ جونىندەگى كوميسسيا (بۇدان ءارى – كوميسسيا) قۇرىلسىن.

3. قوسا بەرىلىپ وتىرعان:

 1) كوميسسيا تۋرالى ەرەجە;

2) كوميسسيانىڭ لاۋازىمدىق قۇرامى بەكىتىلسىن.

4. قازاقستان رەسپۋبليكاسىنىڭ ۇكىمەتى:

1) كونكۋرستى وتكىزۋ قاعيدالارىن بەكىتسىن;

2) وسى وكىمدى ىسكە اسىرۋ جونىندە وزگە دە شارالار قابىلداسىن.

قازاقستان رەسپۋبليكاسىنىڭ پرەزيدەنتى  ن.نازارباەۆ.

استانا, اقوردا, 2013 جىلعى 6 جەلتوقسان. №250

قازاقستان رەسپۋبليكاسى پرەزيدەنتىنىڭ  2013 جىلعى

6 جەلتوقسانداعى № 250 وكىمىمەن بەكىتىلگەن

«مەرەيلى وتباسى» ۇلتتىق كونكۋرسىنىڭ لاۋرەاتى اتاعىن بەرۋ  جونىندەگى كوميسسيا تۋرالى ەرەجە

1. جالپى ەرەجەلەر

1. «مەرەيلى وتباسى» ۇلتتىق كونكۋرسىنىڭ لاۋرەاتى اتاعىن بەرۋ جونىندەگى كوميسسيا (بۇدان ءارى – كوميسسيا) ورتالىق مەملەكەتتىك ورگاندار باسشىلارىنىڭ قاتارىنان جانە قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا توراعاسى ايقىندايتىن ونىڭ بەس مۇشەسىنەن قالىپتاستىرىلادى.

كوميسسيانىڭ لاۋازىمدىق قۇرامىن قازاقستان رەسپۋبليكاسىنىڭ پرەزيدەنتى بەكىتەدى.

2. كوميسسيا ءوز قىزمەتىندە قازاقستان رەسپۋبليكاسىنىڭ كونستيتۋتسياسىن, قازاقستان رەسپۋبليكاسىنىڭ زاڭدارىن, قازاقستان رەسپۋبليكاسى پرەزيدەنتىنىڭ اكتىلەرىن جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىن, سونداي-اق وسى ەرەجەنى باسشىلىققا الادى.

3. قازاقستان رەسپۋبليكاسى پرەزيدەنتiنiڭ جانىنداعى ايەلدەر iستەرi جانە وتباسىلىق-دەموگرافيالىق ساياسات جونiندەگi ۇلتتىق كوميسسيانىڭ (بۇدان ءارى – ۇلتتىق كوميسسيا), سونداي-اق استانا جانە الماتى قالالارى, وبلىستار اكىمدەرىنىڭ جانىنداعى ايەلدەر iستەرi جانە وتباسىلىق-دەموگرافيالىق ساياسات جونiندەگi كوميسسيالاردىڭ (بۇدان ءارى – وڭىرلىك كوميسسيالار) قولداۋىمەن قازاقستان رەسپۋبليكاسىنىڭ مادەنيەت جانە اقپارات مينيسترلىگى, قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگى كونكۋرستىڭ ۇيىمداستىرۋشىلارى بولىپ تابىلادى.

2. كوميسسيانىڭ مىندەتتەرى مەن قۇقىقتارى

4. كوميسسيانىڭ مىندەتتەرى:

1) «مەرەيلى وتباسى» ۇلتتىق كونكۋرسىنىڭ (بۇدان ءارى – كونكۋرس) لاۋرەا­تى اتاعىنا ۇمىتكەرلەردىڭ (بۇدان ءارى – ۇمىتكەرلەر) ماتەريالدارىن قاراۋ;

2) كونكۋرستىڭ جەڭىمپازىن ايقىنداۋ بولىپ تابىلادى.

5. كوميسسيانىڭ:

1) كونكۋرستى وتكىزۋگە قاتىستى ماسەلەلەر بويىنشا مەملەكەتتىك ورگاندارمەن جانە وزگە دە ۇيىمدارمەن, سونداي-اق قوعامدىق بىرلەستىكتەرمەن ءوزارا ءىس-قيمىل جاساسۋعا;

2) كونكۋرستى ۇيىمداستىرۋشىلاردان كوميسسيانىڭ مىندەتتەرىن ىسكە اسىرۋ ءۇشىن قاجەتتى قوسىمشا ماتەريالداردى سۇراتۋعا جانە الۋعا قۇقىعى بار;

3) كوميسسياعا جۇكتەلگەن مىندەتتەردى جۇزەگە اسىرۋ ءۇشىن قاجەتتى وزگە دە قۇقىقتارى بار.

3. كوميسسيانىڭ قىزمەتىن ۇيىمداستىرۋ

6. كوميسسيا قۇرامىنا:

1) كوميسسيا توراعاسى;

2) كوميسسيا توراعاسىنىڭ ورىنباسارى;

3) كوميسسيا حاتشىسى;

4) كوميسسيا مۇشەلەرى كىرەدى.

7. كوميسسيا توراعاسى ونىڭ قىزمەتىنە باسشىلىق جاسايدى, وتىرىس­تاردا توراعالىق ەتەدى, ونىڭ جۇمىسىن جوسپارلايدى, ونىڭ شەشىمدەرىنىڭ ىسكە اسىرىلۋىن جالپى باقىلاۋدى جۇزەگە اسىرادى. كوميسسيا توراعاسى بولماعان ۋاقىتتا ونىڭ فۋنكتسيالارىن ورىنباسارى اتقارادى.

ديپلوم مەن ايىرىم بەلگىسىنىڭ (مۇسىنشەنى) سيپاتتاماسىن كوميسسيا توراعاسى بەكىتەدى.

8. كوميسسيا حاتشىسى كوميسسيا مۇشەلەرىنىڭ قاراۋىنا جۇمىس ورگانى دايىنداعان قۇجاتتار مەن ماتەريالداردى ۇسىنادى.

9. كوميسسيانىڭ جۇمىس ورگانى قازاقستان رەسپۋبليكاسىنىڭ مادەنيەت جانە اقپارات مينيسترلىگى بولىپ تابىلادى.

10. كوميسسيانىڭ جۇمىس ورگانىنا مىناداي فۋنكتسيالار جۇكتەلەدى:

1) بۇقارالىق اقپارات قۇرالدارى مەن كونكۋرستى ۇيىمداستىرۋشىلاردىڭ رەسمي ينتەرنەت-رەسۋرستارى ارقىلى كونكۋرستى وتكىزۋدىڭ مەرزىمدەرى مەن شارتتارى تۋرالى حابارلاۋ;

2) كوميسسيا وتىرىستارىن دايىنداۋ جانە ۇيىمداستىرۋ;

3) كونكۋرس لاۋرەاتتارىن ماراپاتتاۋ سالتاناتىن ۇيىمداستىرۋ;

4) كونكۋرس لاۋرەاتتارىنىڭ تاجىريبەسىن تاراتۋعا جاردەمدەسۋ.

11. كوميسسيا وتىرىستارى قاجەتتىلىگىنە قاراي وتكىزىلەدى, بىراق جارتىجىلدىقتا ءبىر رەتتەن ءجيى وتكىزىلمەيدى. كوميسسيا وتىرىسىنا ونىڭ مۇشەلەرىنىڭ جالپى سانىنىڭ كەمىندە ۇشتەن ەكىسى قاتىسقان جاعدايدا ول زاڭدى دەپ سانالادى.

12. كوميسسيانىڭ كونكۋرس لاۋرەاتى اتاعىن بەرۋ تۋرالى شەشىمى وتىرىس حاتتاماسىمەن رەسىمدەلەدى جانە وعان كوميسسيانىڭ قاتىسىپ وتىرعان بارلىق مۇشەلەرى قول قويادى.

13. كوميسسيانىڭ قىزمەتىن توقتاتۋ تۋرالى شەشىمدى قازاقستان رەسپۋبليكاسىنىڭ پرەزيدەنتى قابىلدايدى.

قازاقستان رەسپۋبليكاسى پرەزيدەنتىنىڭ 2013 جىلعى

6 جەلتوقسانداعى № 250 وكىمىمەن بەكىتىلگەن

«مەرەيلى وتباسى» ۇلتتىق كونكۋرسىنىڭ لاۋرەاتى اتاعىن

بەرۋ جونىندەگى كوميسسيانىڭ لاۋازىمدىق قۇرامى

قازاقستان رەسپۋبليكاسى پرەزيدەنتiنiڭ جانىنداعى ايەلدەر iستەرi جانە وتباسىلىق-دەموگرافيالىق ساياسات جونiندەگi ۇلتتىق كوميسسيانىڭ توراعاسى, توراعا

قازاقستان رەسپۋبليكاسىنىڭ مادەنيەت جانە اقپارات ءمينيسترى, توراعانىڭ ورىنباسارى

قازاقستان رەسپۋبليكاسى پرەزيدەنتiنiڭ جانىنداعى ايەلدەر iستەرi جانە وتباسىلىق-دەموگرافيالىق ساياسات جونiندەگi ۇلتتىق كوميسسيانىڭ حاتشىسى, كوميسسيا حاتشىسى

قازاقستان رەسپۋبليكاسىنىڭ ەڭبەك جانە حالىقتى الەۋمەتتiك قورعاۋ ءمينيسترى

قازاقستان رەسپۋبليكاسىنىڭ كولىك جانە كوممۋنيكاتسيا ءمينيسترى

قازاقستان رەسپۋبليكاسى پرەزيدەنتiنiڭ جانىنداعى ايەلدەر iستەرi جانە وتباسىلىق-دەموگرافيالىق ساياسات جونiندەگi ۇلتتىق كوميسسيانىڭ 5 مۇشەسى.