مەملەكەت باسشىسىنىڭ حالىققا جولداۋىندا ايتىلعان «اڭساعان ءسابي» باعدارلاماسىن ىسكە اسىرۋ اياسىندا ەكستراكورپورالدى ۇرىقتاندىرۋعا كۆوتا سانى 7 ەسەگە ۇلعايتىلدى, دەپ حابارلايدى Egemen.kz
2021 جىلدىڭ قاڭتارىنان باستاپ قازاقستاندا «اڭساعان ءسابي» باعدارلاماسى ىسكە قوسىلادى. وسى باعدارلاما شەڭبەرىندە ەكو-عا كۆوتا سانى 7 ەسەگە ۇلعايتىلدى, ونىڭ ىشىندە الماتىعا 2021 جىلعا بولىنگەنى 800-گە جۋىق كۆوتا. سالىستىرۋ ءۇشىن 2020 جىلى 130 كۆوتا ءبولىنىپ, پايدالانىلدى.
ەكو-عا جىبەرۋ تۋرالى شەشىمدى الماتى قالاسى قوعامدىق دەنساۋلىق باسقارماسى جانىنان قۇرىلعان ارنايى كوميسسيا قابىلدايدى. ەكو-نى ايەلدىڭ ءوزى تاڭدايدى.
بۇگىندە باسقارمانىڭ كەزەگىندە 700-گە جۋىق ايەل بار, ونىڭ 400-ءى 2020 جىل ىشىندە ءوتىنىش بەرگەن.
ەكو پروتسەدۋراسىنا ءوتىنىش بەرۋ ءۇشىن تىركەلگەن ەمحاناعا بارۋ كەرەك, سول جەردە تەكسەرۋدەن وتكەن سوڭ, پروتسەدۋراعا جىبەرەدى.