جاڭا جىل قارساڭىندا قر ەڭبەك جانە حالىقتى الەۋمەتتىك قورعاۋ مينيسترلىگىنىڭ قىزمەتكەرلەرى «اياز اتاعا حات» قايىرىمدىلىق اكتسياسىن وتكىزدى, ونىڭ شەڭبەرىندە ءوز قاراجاتتارىنا اۋىر سىرقاتى بار 1105 بالاعا سىيلىقتار ساتىپ الدى, دەپ حابارلايدى Egemen.kz.
24-30 جەلتوقسان ارالىعىندا ەڭبەكمينى قىزمەتكەرلەرى نۇر-سۇلتان قالاسىنداعى مۇگەدەكتىگى بار بالالاردى تاربيەلەپ وتىرعان «باقىتتى شاڭىراق» وتباسىلار قورىنا باردى. بۇگىندە قوردىڭ قامقورلىعىندا 310 وتباسىنان 330 بالا بار. ولارعا مينيسترلىك ۇجىمىنىڭ اتىنان جاڭا جىلدىق ءتاتتى سىيلىقتار تابىس ەتىلدى.
سونىمەن قاتار ەلىمىزدىڭ بارلىق وڭىرىندە لەيكوزبەن اۋىراتىن بالالار ويىنشىقتار مەن ءتاتتى جيىنتىقتار تۇرىندەگى جاڭا جىلدىق سىيلىقتار الدى. بۇگىنگى تاڭدا قازاقستاندا جوعارىدا اتالعان اۋرۋمەن 16 جاسقا دەيىنگى 775 بالا تۇرادى.
وسىلايشا, جاڭا جىل قارساڭىندا قر ەڭبەكمينى ۇجىمىنىڭ ءاربىر قىزمەتكەرى ءوز قاراجاتى ەسەبىنەن الەۋمەتتىك قولداۋعا مۇقتاج كىشكەنتاي قازاقستاندىقتار ءۇشىن مەرەكەلىك كوڭىل-كۇي سىيلاۋعا ءوز ۇلەسىن قوستى.
ەڭبەكمينىنىڭ اتىنا مۇگەدەكتىگى بالالاردىڭ اتا-انالارى اتىنىن كوپتەگەن العىستار كەلۋدە.
«بىزگە جاڭا جىل قارساڭىندا نازار اۋدارعانى ءۇشىن ەڭبەك جانە حالىقتى الەۋمەتتىك قورعاۋ مينيسترلىگىنىڭ بارلىق قىزمەتكەرلەرىنە ۇلكەن العىسىمىزدى بىلدىرەمىز جانە راحمەت ايتامىز! بارلىقتارىڭىزعا دەنساۋلىق, تابىس جانە باقىت تىلەيمىز! ەڭ باستىسى, ءسىزدىڭ بالالارىڭىز ارقاشان كوز قۋانىشتارىڭىز بولسىن! ۇلكەن راحمەت!» – دەدى جاننا ماحامبەتوۆا.
«مەن سىزدەرگە ۇلىم كيريللگە كوڭىل بولگەندەرىڭىز ءۇشىن العىس ايتقىم كەلەدى. اتا-انالار بالالارى ساۋ جانە باقىتتى بولعان كەزدە باقىتتى بولادى. بۇگىنگى سىزدەردىڭ نازارلارىڭىزعا راحمەت, مەن ۇلىمنىڭ كوزىنەن قۋانىشتى كوردىم. ەڭبەك جانە حالىقتى الەۋمەتتىك قورعاۋ مينيسترلىگىنىڭ بارلىق قىزمەتكەرلەرىنە دەنساۋلىق تىلەيمىن», – دەلىنگەن كسەنيا كيريلەنكو حاتىندا.
«مەنىڭ ۇلىما سىيلىق بەرگەنى ءۇشىن ەڭبەك جانە الەۋمەتتىك قورعاۋ مينيسترلىگىنە ۇلكەن راحمەت. بارلىق جاقسىلىق پەن يگىلىك تىلەيمىن!» – دەدى يۋليا شۋمسكايا.
«سىيلىقتار ءۇشىن, جاڭا جىل الدىنداعى توسىنسىي مەن عاجايىپ ءۇشىن كوپ راحمەت! بىزگە قاتتى ۇنادى!» – دەپ جازدى ەكاتەرينا ينۋتينا Instagram-دا.