National Geographic فوتوگرافتارى تاۋەلسىزدىك سارايىندا نۇر-سۇلتان سۋرەتتەرىنەن فوتوكورمە ۇيىمداستىردى, دەپ حابارلايدى Egemen.kz.
« ۇلى دالا جۇرەگى» كورمەسىندە قازاقستاندىق جانە شەتەلدىك اۆتورلاردىڭ 150-دەن استام جۇمىستارى ۇسىنىلعان. ولاردىڭ اراسىندا فوتوسۋرەتتەرى بۇكىل الەمگە تارالعان دجوردج ستەينمەتتس, Antonio Politano, Sasin Tipchai, نيكيتا باسوۆ, تۋرار كازانگاپوۆ سياقتى National Geographic-ءتىڭ تانىمال فوتوگرافتارى, سونداي-اق تانىمال وتاندىق فوتوگرافتار الەكساندر كۋپريەنكو, باتىرلان تولەگەنوۆ, الەكساندر فيليپەنكو, ەۆگەني تكاچەنكو, ايبەك احانوۆ جانە باسقالار بار.
فوتوسۋرەتتەر كۇندەلىكتى ءومىردى, الەۋمەتتىك, ىسكەرلىك جانە مادەني ءومىردى, ەلوردانىڭ جارقىن ساتتەرىن بەينەلەيدى. سونىمەن بىرگە ەرەكشە گاسترونوميا, سپورت الەمى جانە قالانىڭ ەڭ كورنەكتى جەرلەرى ۇسىنىلادى.
« ۇلى دالا جۇرەگى» فوتوكورمەسىنىڭ ماقساتى - الەمگە ايگىلى شەتەلدىك جانە وتاندىق فوتوگرافتاردىڭ وبەكتيۆتى ارقىلى نۇر-سۇلتاننىڭ جان-جاقتى كورىنىسىن كورسەتۋ.
ءىس-شارا بارلىق سانيتارلىق نورمالارعا سايكەس وتكىزىلەدى. ۇيىمداستىرۋشىلار بارلىق ەرەجەلەردى قاتاڭ ساقتاۋ, ماسكا تاعۋ, اراقاشىقتىقتى ساقتاۋ جانە سانيتايزەرلەر قولدانۋ كەرەكتىگىن ەسكە سالادى.
ايتا كەتەيىك, www.nursultankorme.kz سايتى ارقىلى الەمنىڭ كەز كەلگەن نۇكتەسىنەن ونلاين رەجيمدە قازاقستان استاناسىنىڭ سۋرەتتەرىن كورۋگە بولادى.