قىزىلوردا قالاسىندا تۇرعىن ءۇي مەن جاڭا كوپىر پايدالانۋعا بەرىلدى

الدىمەن وبلىس اكىمى جاڭا پاتەر كىلتىن تابىستاپ, تۇرعىندارعا قۇتتىقتاۋىن جەتكىزدى.

- بارشاڭىزدى كەلە جاتقان جاڭا جىل مەرەكەسىمەن شىن جۇرەكتەن قۇتتىقتايمىن! وزدەرىڭىز بىلەسىزدەر, الەمدە ورىن العان پاندەميا تۇرمىس-تىرشىلىگىمىزگە كوپتەگەن وزگەرىستەر اكەلدى. سىندارلى ساتتە ايماعىمىزدا قۇرىلىس جۇمىستارى توقتاماي, قارقىندى جۇرگىزىلدى. جىل باسىنان بەرى قالادا 580 پاتەردى قۇرايتىن 15 تۇرعىن ءۇي پايدالانۋعا بەرىلدى. جاڭا باسپانالارىڭىز تاتۋلىق پەن بەرەكەنىڭ ورداسى بولىپ, قۋانىش پەن باقىت, قۇت پەن ىرىس سالتانات قۇرسىن!, - دەدى وبلىس اكىمى.

شارادا تۇرعىندار اتىنان № 140 مەكتەپتىڭ مۇعالىمى گالينا وماروۆا ايماق باسشىسىنا العىسىن جەتكىزىپ, مەملەكەت جانە قوعام قايراتكەرى بەكمىرزا ەلامانوۆ باتاسىن بەردى.

جاڭا 40 پاتەرلى ەكى تۇرعىن ءۇيدىڭ قۇرىلىسى وتكەن جىلى باستالعان. جوبا قۇنى 961,4 ملن تەڭگە. مەردىگەر مەكەمەلەر - «امان-قۇرىلىس» جانە ء«سات-سەرۆيس» جشس.

وسىدان كەيىن وبلىس اكىمى گۇلشارا ابدىقالىقوۆا شىركەيلى كانالىنىڭ ۇستىنەن سالىنعان كوپىردىڭ سالتاناتتى اشىلۋ راسىمىنە قاتىسىپ, جاڭا نىساننىڭ ەل يگىلىگىنە قىزمەت ەتەتىنىنە سەنىم ءبىلدىردى.

- بۇگىن, مەرەكە قارساڭىندا سىرداريا وزەنىنىڭ سول جاعالاۋىن شىركەيلى ارناسى ارقىلى حالىقارالىق اۆتودالىزبەن قوساتىن اۆتوموبيل كوپىرى پايدالانۋعا بەرىلگەلى وتىر. ءسانى مەن سالتاناتى جاراسقان سول جاعالاۋداعى بۇل كوپىر وبلىس تۇرعىندارىنىڭ التىن ۋاقىتىن ۇنەمدەپ, بارىنشا قۋانتاتىن ماڭىزدى نىسان بولاتىنى ءسوزسىز. بۇگىنگى كوپىردى پايدالانۋعا بەرۋ ارقىلى ايماقتىڭ الەۋمەتتىك-ەكونوميكالىق دامۋىن وڭ تەندەنتسيا ارتتىراتىن بولامىز, - دەدى وبلىس اكىمى.

سونداي-اق, سالتاناتتى شارادا وبلىستىڭ جول سالاسى بويىنشا اسسوتسياتسياسىنىڭ پرەزيدەنتى, "قۇرمەت" وردەنىنىڭ يەگەرى ومىربەك شامەنوۆ ىزگى نيەتىن جەتكىزدى.

كوپىر ۇزىندىعى - 81,8 مەتر. «نۇرلى جول» مەملەكەتتىك باعدارلاماسى اياسىندا نىساندى باس مەردىگەر «سەرۆيس نس» جاۋاپكەرشىلىگى شەكتەۋلى سەرىكتەستىگى ەكى جىل ىشىندە اياقتاپ شىقتى.

سونىمەن قاتار وبلىس باسشىسىنا بيىل جۇزەگە اسىرىلا باستاعان «قىزىلوردا قالاسى سىرداريا وزەنىنىڭ سول جاعالاۋىنداعى باس كوشە جولىنىڭ «باتىس ەۋروپا – باتىس قىتاي» اۆتوتراسساسىمەن جاناساتىن جەرىندە كولىك ايرىعىن سالۋ» جوباسى تانىستىرىلدى.

جوبانىڭ قۇنى 4 274,941 ملن. تەڭگەنى قۇرايدى. باس مەردىگەر "Bazis Construction" جشس. 2020 جىلعا رەسپۋبليكالىق بيۋدجەتتەن 300 ملن. تەڭگە بولىنگەن. قۇرىلىس 2022 جىلى اياقتالادى دەپ جوسپارلانۋدا. جوبا بويىنشا 2 دانا ەستاكادا قاراستىرىلعان. ءبىر ەستاكادادا 12 تىرەۋدەن تۇرادى, ءار تىرەۋدە 10 تەمىربەتوندى سۆايدان  ورنالاسقان. قوزعالىس جولاعىنىڭ ەنى – 7 مەتر, تروتۋار ەنى - 1,5 مەتر بولادى دەپ كۇتىلۋدە.