شىمكەنت قالاسىندا مەملەكەتتىك-جەكەشەلىك ارىپتەستىك اياسىندا ينجەنەرلىك-ينفراقۇرىلىم جۇيەلەرىن سالۋ, قىزمەتتەر مەن جۇمىس ساپاسىن ارتتىرۋ ماقساتىندا بيىل دەنساۋلىق ساقتاۋ سالاسى بويىنشا 5 جوبا ىسكە اسىرىلدى. بۇل جونىندە سالالىق باسقارما ماماندارى ءمالىم ەتتى, دەپ حابارلايدى Egemen.kz.
بۇل جوبالارعا مەملەكەتتىك-جەكەشەلىك ارىپتەستىك ارقىلى 10 ملرد. تەڭگەدەن استام ينۆەستيتسيا تارتىلعان.
ولاردىڭ ءبىرى №1 قالالىق كلينيكالىق اۋرۋحانا بازاسىنداعى تەراپيا جانە گەموكوررەكتسيا ورتالىعى بولسا, ەكىنشىسى "مەديكەر-يۋك" جشس-ءنىڭ حالىققا امبۋلاتوريالىق-ەمحانالىق قىزمەت كورسەتۋ ءۇشىن قالالىق ەمحانا قۇرۋ جوباسى.
سونداي -اق, "قايتپاس" شاعىن اۋدانىنداعى ءبىر اۋىسىمدا 500 ادام قابىلدايتىن قالالىق ەمحانا مەن قالالىق جەدەل مەديتسينالىق جاردەم ستانتسياسىن جاڭعىرتۋ جوبالارى بار. قازىرگى ۋاقىتتا الەمدىك ستاندارتتار بويىنشا Call-ورتالىق جۇمىس ىستەيدى.
جوعارىدا اتالعان ءتورت جوبادا بيىلعى جىلى ءوز جۇمىسىن باستاپ, حالىققا ساپالى مەديتسينالىق قىزمەت كورسەتۋدە.
ال, بۇگىنگى تاڭدا قالالىق ونكولوگيالىق ورتالىعى بازاسىندا پەت ورتالىعى مەن ساۋلەلىك تەراپيا ورتالىعىنىڭ قىزمەتتەرىن ۇسىنۋ جوباسى جۇزەگە اسىرىلۋدا.
وسىلايشا, جەكە ينۆەستيتسيا تارتۋ ارقىلى بيۋدجەت جۇكتەمەسى تومەندەتىلىپ وتىر.