ەپيدەميالىق احۋال بويىنشا قازاقستان ورتاشا قاۋىپتى ايماققا اۋىستى - مارات شورانوۆ

2020 جىلدىڭ قورىتىندىسى بويىنشا قازاقستان رەسپۋبليكاسىندا تىرىسقاق, وبا, ىشسۇزەگى, پاراتيف, ديفتەريا, سىرەسپە, پوليوميەليت, بەزگەك اۋرۋلارى تىركەلگەن جوق. جالپى, ينفەكتسياعا شالدىققاندار سانى تومەندەگەن.

وتكەن جىلمەن سالىستىرعاندا 52 ينفەكتسيا بويىنشا اۋرۋ دەڭگەيى ازايعانى بايقالادى, ونىڭ ىشىندە قىزىلشا اۋرۋى 3,7 ەسەگە, سالمونەللەز 2 ەسەگە, مەنينگوكوكك ينفەكتسياسى 1,8 ەسەگە, سوزىلمالى ۆيرۋستىق گەپاتيتتەر 42%, تۋبەركۋلەز 22%, ءجىتى ۆيرۋستىق گەپاتيتتەر 9,3% تومەندەدى.

«جىل بويى پاندەمياعا قاراماستان, ءبىز تاماق ونىمدەرىنىڭ قاۋىپسىزدىگىنە باقىلاۋ جۇرگىزدىك. مونيتورينگ قورىتىندىسى بويىنشا ءتۇرلى تاۋاردىڭ 28 000 ۇلگىسى باقىلاۋعا الىندى, ونىڭ 15%  تەحنيكالىق رەگلامەنت تالاپتارىنا سايكەس كەلمەدى (4175 ۇلگى)», - دەدى م.شورانوۆ.

قۇسەتىندە – 13,2%, ەت ونىمدەرىندە – 12,4%, ءسۇت ونىمدەرىندە – 12%, كونديتەرلىك ونىمدەردە – 11,8%, بالىق ونىمدەرىندە – 11,1% جانە باسقا تاماق ونىمدەرىندە – 39,5% كەمشىلىك انىقتالدى.

انىقتالعان فاكتىلەر بويىنشا ءتيىستى شارالار قابىلداندى.

سونىمەن قاتار كوروناۆيرۋس ينفەكتسياسىنا قاتىستى جاعدايى بۇكىل الەمدە قولايسىز بولىپ تۇر. الەمنىڭ 218 ەلىندە 81 ملن كۆي جاعدايى تىركەلگەن, ونىڭ ىشىندە 1 ملن 700 ادام قايتىس بولدى, بۇل 2,2% قۇرايدى.

بۇگىندە قازاقستان رەسپۋبليكاسىندا 152 460 ناۋقاس COVID-19 جۇقتىرعان جانە 45 442 ادامعا كۆي- دياگنوزى قويىلدى. ساۋىققاندار سانى  87% دەيىن ءوستى, ال ماۋسىم-شىلدە ايلارىندا بۇل كورسەتكىش 60% اسپايتىن.

دەگەنمەن, ەلىمىزدە ەپيدەميالىق جاعداي تۇراقسىز بولىپ تۇر. 28 جەلتوقساندا رەسپۋبليكامىز قاۋىپى تومەن – جاسىل ايماقتان ورتاشا قاۋىپتى – سارى ايماققا اۋىستى. جوعارى قاۋىپتى ايماقتا نەمەسە قىزىل ايماقتا اتىراۋ وبلىسى قالدى جانە پاۆلودار, اقمولا, قوستاناي وبلىستارى وسى ايماققا اۋىستى. سارى ايماقتا نەمەسە ورتاشا قاۋىپتى ايماقتا - 3 ءوڭىر: سولتۇستىك قازاقستان وبلىسى, نۇر-سۇلتان, الماتى قالالارى قالدى.

«كوروناۆيرۋس ينفەكتسياسى پاندەمياسى باستالعان ساتتەن باستاپ COVID-19-عا پتر ادىسىمەن تەستىلەۋ 2020 جىلعى ساۋىردەن باستالدى جانە 19 زەرتحانادا تاۋلىگىنە جالپى قۋاتى 6000 تەست جاسادى, ال قازىر كۆي دياگنوستيكالايتىن 132 زەرتحانا تاۋلىگىنە جالپى قۋاتى 100 مىڭ زەرتتەۋ جاسايدى جانە بيولوگيالىق ماتەريال الاتىن 48 پۋنكت بار. بۇگىنگى تاڭدا 5 ملن استام زەرتتەۋ جۇرگىزىلدى, كۇن سايىن زەرتحانالار 40 مىڭعا دەيىن تەست جاسايدى», – دەدى م.شورانوۆ.

كوروناۆيرۋس ينفەكتسياسى پاندەمياسى باستالعان ساتتەن  COVID-19-عا پتر ادىسىمەن تەستىلەۋ 2020 جىلعى ساۋىردەن باستالدى جانە 19 زەرتحانادا تاۋلىگىنە جالپى قۋاتى 6000 تەست جاسادى, ال قازىر كۆي دياگنوستيكالايتىن 132 زەرتحانا تاۋلىگىنە جالپى قۋاتى 100 مىڭ زەرتتەۋ جاسايدى جانە بيولوگيالىق ماتەريال الاتىن 48 پۋنكت بار.

«وسىلايشا, زەرتحانالاردىڭ رەزەرۆتىك قۋاتى 60 مىڭ زەرتتەۋگە جەتتى, بۇل حالىقتىڭ تەستىلەۋگە قولجەتىمدىلىگىن قامتاماسىز ەتۋگە مۇمكىندىك بەرەدى», - دەدى ءبىرىنشى ۆيتسە-مينيستر.

سوڭعى 3 ايدا اۋە رەيستەرمەن 155 مىڭنان استام ادام كەلدى, ولاردىڭ 75-ىندە كوۆيد انىقتالدى. كولىك وتكەلدەرى ارقىلى 440 مىڭ ادام كەلدى, ولاردىڭ 666-ىندا كوروناۆيرۋس ينفەكتسياسى انىقتالدى.

وقۋ جىلىنىڭ باسىنان 3 658 وقۋشى كۆي جۇقتىرعان, ونىڭ ىشىندە كەزەكشى سىنىپتاردا وقيتىن بالالار اراسىندا - 994, قاشىقتىقتان وقيتىن بالالار اراسىندا - 2 664 جاعداي تىركەلدى.

ەلىمىزدە كوروناۆيرۋس ينفەكتسياسىمەن اۋىراتىن ناۋقاستارعا مەديتسينالىق كومەك كورسەتۋ ءۇشىن 51 126 توسەك-ورىن دايىندالعان. وڭىرلەردەگى توسەك-ورىنعا كۇندەلىكتى مونيتورينگ قورىتىندىسىنا سايكەس بيىل 28 جەلتوقسانىنداعى جاعداي بويىنشا ينفەكتسيالىق توسەك-ورىننىڭ 29%  عانا ناۋقاس جاتىر. رەانيماتسيالىق توسەك-ورىننىڭ - 19%  پاتسيەنت بار.

سونىمەن قاتار اكىمدىكتەر وڭىرلەردە كارانتيندىك شارالاردىڭ ساقتالۋىن باقىلاۋدا, كارانتيندىك رەجيمدى بۇزۋشىلار ءالى دە بار.

17 تامىزدان باستاپ 60 375 رەيد جۇرگىزىلدى, 267 866 وبەكتى قامتىلدى, ونىڭ ىشىندە 20504 وبەكتى بۇزۋشىلىقتارمەن, 19406 اكىمشىلىك ايىپپۇل سالىندى. بۇزۋشىلىقتىڭ باسىم بولىگى تۇركىستان (3603), الماتى (3235), قوستاناي (1826), شىعىسقازاقستان (1716) وبلىستارىندا, الماتى (1708) جانە نۇر-سۇلتان (1471) قالالارىندا انىقتالدى.

بىرنەشە رەەت اكىمشىلىك ايىپپۇلدارعا قاراماستان, كەيبىر وبەكتىلەر شەكتەۋ جانە كارانتين رەجيمىنىڭ تالاپتارىن ەلەمەي وتىر.

بۇگىنگى تاڭدا «قاساقانا بۇزۋشىلار» قاتارىندا 254 نىسان بار, ونىڭ ىشىندە نۇر-سۇلتاندا شەكتەۋ جانە كارانتين رەجيمىن جۇيەلى تۇردە بۇزاتىن 56 نىسان, شىمكەنتتە - 47, قوستاناي وبلىسىندا - 25 نىسان.

مۇنداي وبەكتىلەر بويىنشا سانيتاريالىق-ەپيدەميولوگيالىق قىزمەت ورگاندارى اكىمشىلىك ماتەريالداردى قىزمەتتى توقتاتا تۇرۋ تۋرالى ماسەلەنى شەشۋ ءۇشىن سوتقا بەرەدى.

ءسوز سوڭىندا مارات شورانوۆ ەل تۇرعىندارىنا ۇندەۋ جولداپ, ولاردى كارانتيندىك جانە شەكتەۋ شارالارىن ساقتاۋعا شاقىردى.

«جاڭا جىل – وتباسىلىق مەرەكە. بۇل كۇنى تۋىستارىڭىزدى, دوستارىڭىز بەن تانىستارىڭىزدى ۇيگە شاقىرماڭىزدار, بىرگە تۇراتىن جاقىن ادامدار مەن قارسى الۋعا شاقىرامىن. الداعى مەرەكە ەپيدەميولوگيالىق جاعدايدىڭ ناشارلاۋىنا جانە كوروناۆيرۋس ينفەكتسياسىنىڭ ورشۋىنە اسەر ەتۋى مۇمكىن ەكەنىن ۇمىتپاڭىزدار. سوندىقتان ەپيدجاعداي ارقايسىمىزدىڭ ارەكەتىمىزگە تىكەلەي بايلانىستى», - دەدىم.شورانوۆ.