كۇندەگى ادەتىمەن تاڭەرتەڭ ۇيقىسىنان ويانعان ل. تۇستەن كەيىن ءولىمشى حالگە ءتۇسىپ, كەۋدە تۇسىنداعى ەكى جاراقاتپەن اۋرۋحانادان ءبىر-اق شىعامىن دەپ ويلاماعان ەدى.
كۇندەگى ادەتىمەن تاڭەرتەڭ ۇيقىسىنان ويانعان ل. تۇستەن كەيىن ءولىمشى حالگە ءتۇسىپ, كەۋدە تۇسىنداعى ەكى جاراقاتپەن اۋرۋحانادان ءبىر-اق شىعامىن دەپ ويلاماعان ەدى.
داۋدىڭ ءبارى ل.-نىڭ ۇيىنە ءۇش تانىسىنىڭ كەلۋىنەن باستالدى. ولاردىڭ ءبىرى ونىڭ كولىگىن ساتىپ الماق بولادى. كولىكتى قاراپ بولعاننان كەيىن ولار ل.-نى تازا اۋادا سىرا ءىشىپ, دەمالۋعا شاقىرادى.
وسىلايشا, قالانىڭ شەتىنە شىققان تورتەۋ ءىشۋدى باستايدى. ىشكىلىكتىڭ بۋى دەنەلەرىنە تارقاعان ۋاقىتتا ارالارىنداعى ج.-نىڭ ۇيالى تەلەفونىنا ايەلى حابارلاسادى. ءتىلى ارەڭ بۇراتىلىپ سويلەپ تۇرعان كۇيەۋىنىڭ ىشكەنىن بىلگەن ايەلى داۋىس كوتەرە رەنجي سويلەيدى. مۇنى ەستىگەن دوس-سىماقتارى ج.-نى جۇباتادى. بۇل ومىردەگى ەڭ ماڭىزدى نارسە ايەل مەن وتباسى ەمەس, دوستار مەن ىشىمدىك دەپ, ايەلىنەن ايقاي ەستىگەن ج.-نىڭ نامىسىنا تيەتىن سوزدەر ايتىپ, كۇلەدى. سىركەسى سۋ كوتەرمەي وتىرعان ج. وسى كەزدە ل.-نىڭ ايتقان سوزدەرى شىمبايىنا باتىپ كەتىپ, پىشاقپەن ەكى رەت كەۋدە تۇسىنان سۇعىپ الادى.
وسىدان كەيىن ول وقيعا بولعان جەردەن كەتىپ قالادى. ال, جابىرلەنۋشى ل.-نى ءوتىنىشى بويىنشا سىرالاس سەرىكتەرى ۇيىنە جەتكىزىپ تاستايدى. ۇيىنە كەلگەن ل. ءحالى ناشارلاي باستاعان سوڭ, جەدەل جاردەم شاقىرادى.
ايىپتالۋشى ج. بۇعان دەيىن بۇزاقىلىق پەن قاراقشىلىق قىلمىستارىن جاساعانى ءۇشىن ەكى رەت سوتتى بولعان. وتكەن قاتەلىكتەرىنەن ساباق الماي, تاعى دا اۋىر قىلمىس جاساعان بۇزاقىنى سوت قاتاڭ رەجىمدەگى تۇزەۋ كولونياسىندا وتەۋگە ۇكىم ەتتى, دەپ حابارلادى قىزىلوردا وبلىستىق سوتىنىڭ ءباسپاسوز قىزمەتى.
«ەگەمەن-اقپارات».