«قاپ-قارا ادام» «التىن گلوبۋس» جۇلدەسىنەن ۇمىتكەر

«التىن گلوبۋس» سىيلىعى گولليۆۋدتا تۇراتىن 90-عا جۋىق حا­­لىقارالىق جۋرناليستەردىڭ داۋىس بەرۋ ناتيجەسى بويىنشا تاڭ­دا­لا­دى. اتالعان جۇلدە الەمدىك كينو قاۋىمداستىعىندا «وسكاردان» كەيىنگى بەدەلدى سىيلىق سانالادى.

ەرجانوۆتىڭ تۋىندىسىمەن قاتار بيىلعى جىلى ۇمىتكەرلەر تىزى­مى­نە توماس ۋينتەربەرگ, اگنەشكا حول­لاند, اندرەي كونچالوۆسكي, ۆەرنەر حەرتسوگ, ماتتەو گاررونە, حيروكادزۋ كورەەدا, ناومي كاۆاسە, وليۆە اسساياس جانە ت.ب. الەمدىك كينەماتوگراف مەترلەرىنىڭ جاڭا فيلمدەرى ەندى.

– مەنىڭ ويىمشا, ءفيلمنىڭ بۇل جۇلدەدەن ۇمىتكەرلەر تىزىمىنە ەنۋى – ءبىزدىڭ پروديۋسەرلەرىمىزدىڭ جاقسى جۇمىسىن كورسەتەدى. سونىمەن بىرگە «قاپ-قارا ادام» كومانداسىن دا قۇتتىقتايمىن. مەن ءبىزدىڭ بىرلەسكەن ەڭبەگىمىزدىڭ نازاردان تىس قالماعانىنا وتە قۋانىشتىمىن, – دەدى رەجيسسەر ءادىلحان ەرجانوۆ.

ەرجانوۆتىڭ كارتيناسىن Short Brothers (قازاقستان) جانە Arizona Productions (فرانتسيا) كوم­پا­نيا­لا­رى­نىڭ قاتىسۋىمەن Astana Film Fund (قازاقستان) كومپانياسى تۇسىرگەن. ءفيلمنىڭ باس پروديۋسەرلەرى اقان ساتاەۆ پەن ەرنار قۇرماشەۆ. باستى رولدەردە دانيار الشىنوۆ, دينارا باقتىباەۆا جانە تەومان حوس سىندى اكتەرلەر وينادى.

«قاپ-قارا ادام» ءفيلمىنىڭ الەم­دىك پرەمەراسى 2019 جىلدىڭ 23 قىركۇيەگىندە يسپانيادا ءوتتى. كار­تينا سان سەباستيانداعى 67-ءشى حالىقارالىق كينوفەستيۆالدىڭ نە­گىز­گى كونكۋرستىق باعدارلاماسى اياسىندا كورسەتىلدى. 2019 جىلدىڭ قاراشا ايىندا ءادىلحان ەرجانوۆ «قاپ-قارا ادام» فيلمىندەگى جۇمى­سى ءۇشىن «ۇزدىك رەجيسسەر» نوميناتسياسى بو­­يىنشا «Asia Pacific Screen Awards -2019» (ازيالىق «وسكار») سىيلىعىنا يە بولعان.

سونىمەن بىرگە 2020 جىلدىڭ كۇزىندە فيلم فرانتسيادا پروكاتقا شىعىپ, بۇل ەلدىڭ ءىرى قالالارىنداعى 60 كينوتەاتردا, سونىڭ ىشىندە فران­تسيا استاناسى پاريجدە 9 كينوتە­اتر­­­­دا كورسەتىلدى. سونداي-اق جا­قىن­دا رەسەيدە وتكەن «كينوشوك» كينو­فەس­تي­ۆالىندە فيلم «ۇزدىك رەجيسسەر» ء(ادىلحان ەرجانوۆ) جانە «ۇزدىك اكتەر» (دانيار الشىنوۆ) ساناتتارىندا ماراپاتتارعا يە بولدى.

بۇ­گىنگى قوعام تاقىرىبىن ەك­ران­­دا جاڭعىرتقان ءفيلمدى قازاق­ستان­دىق جانە رەسەيلىك ونلاين-كينوتەاترلاردان كورۋگە بولادى.