مەملەكەت باسشىسى قاسىم-جومارت توقاەۆ ۆولونتەر جىلىنىڭ قورىتىندىسىنا ارنالعان جيىندا "قايىرىمدى ىستەر" مارافونىن ۇيىمداستىرۋدى ۇسىندى, دەپ حابارلايدى Egemen.kz.
"ەندى ساناۋلى كۇننەن سوڭ ءبىز تاۋەلسىزدىكتىڭ 30 جىلدىعىنا قادام باسامىز. بۇل – ەل دامۋىنداعى اسا ماڭىزدى بەلەس, تاريحي مەجە. سونداي-اق جەتىستىگىمىزدى سارالاپ, بولاشاعىمىزدى باعامدايتىن كەزەڭ. كەلەر جىلعى مەرەيتويلىق ءىس-شارالاردىڭ مازمۇنىنا ەرەكشە ءمان بەرەمىز. ونىڭ ارقايسىسى تەرەڭ ماعىنالى جانە قوعام ءۇشىن پايدالى بولۋعا ءتيىس. سونىمەن قاتار, وسكەلەڭ ۇرپاققا ءتالىم-تاربيە بەرۋى شارت. وسىعان وراي, جالپىۇلتتىق دەڭگەيدە "قايىرىمدى ىستەر" مارافونىن ۇيىمداستىرۋدى ۇسىنامىن", دەدى پرەزيدەنت.
مەملەكەت باسشىسى اتاپ وتكەندەي, بۇل – بەرەكە-بىرلىگىمىزدى ارتتىراتىن ماڭىزدى باستاما. قازىرگىدەي كۇردەلى كەزەڭدە جاقسى ىستەر جاساۋعا ءمان بەرگەنىمىز ەلدىگىمىزدى نىعايتا تۇسەتىنى انىق.