كوروناۆيرۋستان كوز جۇمعان ناۋقاستاردىڭ كوپشىلىگى, COVID-19-دان ەمەس اۋرۋحانادا جۇقتىرىلعان سۋپەرينفەكتسيادان قايتىس بولۋدا. ونىڭ ەمى جوق, «COVID-19 اۋىرعان ناۋقاستاردىڭ ءبىر ەرەكشەلىگى - ولاردىڭ دەنەسىندە وتە قاۋىپتى سۋپەرفەكتتى باكتەريالاردىڭ تەز قالىپتاسۋىندا. سونىمەن قاتار, بۇل دارىلەرگە تۇراقتىلىعى جوعارى, ەمدەۋ مۇمكىندىكتەرى شەكتەۋلى شتامدار. ءبىز ولاردى ءجيى انىقتاۋدامىز», – دەيدى رەسەيلىك ميكروبيولوگ كونستانتين سەۆەرينوۆ.
سۋپەرينفەكتسيانىڭ تابيعاتى ۆيرۋستىق ەمەس, باكتەريالىق. ءبىز ۇزاق ۋاقىت بويى جاساندى تىنىس الۋ اپپاراتىندا بولعان ادامداردا پايدا بولاتىن ينفەكتسيالار تۋرالى ايتىپ وتىرمىز. ولاردىڭ قوزدىرعىشى – كوك ءىرىڭدى تاياقشا. COVID-19 جاعدايىندا بۇل اسىرەسە ايقىن كورىنەدى. ناۋقاس ادامدارعا تىنىس الۋ قوسپاسى بەرىلەدى, بۇل ءىس جۇزىندە وكپەنى جاساندى جەلدەتۋ بولىپ تابىلادى. ەگەر اۋرۋحانانىڭ وزىندىك پاتوگەندىك ميكروفلوراسى بولسا, دەمەك ول تىنىس الۋ جولدارىنا دا ەنەدى. سونىمەن قاتار, جاساندى جەلدەتكىشتە جاتقان ادامدار ۇنەمى انتيبيوتيكتەر قابىلدايدى. جاپپاي, اسىرەسە ەپيدەميانىڭ العاشقى كەزەڭدەرىندە, COVID-19-دى ەمدەيتىن «قىزىل ايماقتا» تۇراقتى ميكروبتاردىڭ ۇلەسى ارتقان. سونىمەن قاتار, اۋرۋحانالاردان تىس جەرلەردە دە تۇراقتى ميكروبتار ءجيى كەزدەسۋدە.