1 جەلتوقساندا تۇركىستانداعى Hazret Sultan Airport حالىقارالىق əۋەجايىندا العاشقى رەيس اشىلادى, دەپ حابارلايدى Egemen .kz قر مادەنيەت جانە سپورت مينيسترلىگىنىڭ رەسمي سايتىنا سىلتەمە جاساپ.
اشىق اسپان رەجيمىندە جۇمىسىن باستاپ, گەوگرافيالىق اۋقىمىن كەڭەيتە تۇسەتىن əۋەجاي ءبىرىنشى بولىپ وتاندىق FlyArystan لوۋكوستەرىنىڭ نۇر-سۇلتان – تۇركىستان باعىتىندا جولاۋشىلارىن قابىلدايدى. ال 5 جەلتوقساننان باستاپ الماتى قالاسىنا رەيستەر ۇشادى.
تۇركىستان - كۇللى تۇركى əلەمىنىڭ رۋحاني ورتالىعى, تاريحي جəنە قازىرگى ارحيتەكتۋرا توعىسىپ, ۇيلەسىم تاپقان مəدەني فەنومەن. بۇگىندە مəدەنيەت جəنە سپورت مينيسترلىگى قالانىڭ مəدەني جəنە تۋريزم سالاسىنداعى əلەۋەتىن ارتتىرۋعا باعىتتالعان بىرقاتار جوبانى جۇزەگە اسىرىپ جاتىر.
تۇركىستان ۇنەمى تۋريستەر ءۇشىن قىزىق مەكەن. بۇل وڭىردە قوجا احمەت ياسساۋي, ەسىم حان, رابيعا سۇلتان بەگىم, ارىستان-باب كەسەنەسى, وتىرار جəنە ساۋران قالاسى سىندى بىرەگەي نىساندار بار. سونىمەن قاتار XVI - XVIII عاسىر ارالىعىندا تۇركىستان استانا بولعاندا بۇل جەردە قازاق حالقى تاريحىنداعى تاعدىرشەشتى شەشىمدەر قابىلدانىپ, حاندار سايلاۋى وتكەن.
2018 جىلى 19 ماۋسىمدا قر-نىڭ تۇڭعىش پرەزيدەنتى نۇرسۇلتان نازارباەۆتىڭ قاۋلىسىمەن تۇركىستان وبلىسى قۇرىلدى. وسى ارقىلى ەلباسى ءوڭىردىڭ قارقىندى دامۋىنا جاڭا سەرپىن بەرگەن ەدى.
مەملەكەت باسشىسى قاسىم-جومارت توقاەۆ تۇركىستانداعى تاريحي-مادەني نىسانداردى ساقتاۋ, قالاعا جاڭا يننوۆاتسيالىق تەحنولوگيالاردى دامىتۋدى ۇنەمى ايتىپ كەلەدى. بۇگىندە قۇرىلىس جۇمىسى قايناعان قالادا كورىكتى عيماراتتار قاتارى كوبەيىپ, تاريحي كەلبەتپەن ۇندەستىك تاۋىپ جاتىر. قازىر تۇركىستانعا تەك وتانداستارىمىز عانا ەمەس, شەت ەلدەن دە تۋريستەر كوپتەن كەلەدى.
«تۇركىستان كۇن سايىن تۇرلەنىپ, قۇرىلىس جۇمىستارى قارقىن الىپ كەلەدى. وسى رەتتە تاريحي-مəدەني سيپاتقا باسىمدىق بەرىپ, كوپتەگەن مəدەنيەت, سپورت نىسانى سالىندى, تۋريزم ينفراقۇرىلىمىنا نازار اۋدارىپ جاتىرمىز. 120 ادامعا ارنالعان Rixos Turkistan جاڭا قوناق ءۇيى, «تۇركىستان-ارەنا» كوپ فۋنكتسيونالدى ستاديون مەن «كونگرەسس-حولل» كوپ فۋنكتسيونالدى كونتسەرت زالى پايدالانۋعا بەرىلدى. كەلەسى جىلى تاعى 120 ادامعا ارنالعان Hampton by Hilton قوناقۇيى مەن كوپ فۋنكتسيونالدى كەرۋەن-ساراي تۋريستىك كەشەن اشىلادى», - دەيدى اقتوتى رايىمقۇلوۆا.
مəسەلەن, ەندى اشىلعان «تۇركىستان» ساپار ورتالىعىندا حالىقارالىق ستاندارتتارعا سايكەس تۋريزم سالاسىنا جاعداي جاسالۋدا. ارنايى اقپارات بەرۋ نىساندارىنان تۋريزم باعدارلارى جايلى تولىق اقپارات الۋعا, ەكسكۋرسياعا تاپسىرىس بەرۋگە, مۋزەي ەكسپوناتتارىمەن تانىسۋعا, جەرگىلىكتى قولونەر شەبەرلەرىنىڭ تۋىندىلارىن كورۋگە بولادى. تۋريستەر ءجيى كەلەتىن جەردىڭ ءبىرى قوجا احمەت ياسساۋي كەسەنەسى. قازىر كەسەنە اۋماعىندا قولونەر شەبەرلەرى, شىعىس بازارى, ءدəستۇرلى تاعامدار دايىندايتىن اسحانا, ۇلتتىق ويىن جəنە اتقا ءمىنۋ الاڭى بار ەتنواۋىلدى اتاپ وتۋگە بولادى.