بۇگىن «جاستار مەن بالالار اراسىندا قايىرىمدىلىقتى دارىپتەۋ» الەۋمەتتىك جوباسىنىڭ ناتيجەلەرىن قالىڭ بۇقاراعا ۇسىنۋ بويىنشا قورىتىندى ءباسپاسوز-كونفەرەنتسياسى ءوتتى.
بۇل جوبا 2020 جىلدىڭ شىلدە ايىنان قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ قولداۋىمەن «ازاماتتىق باستامالاردى قولداۋ ورتالىعى» كەاق گرانتى اياسىندا جۇزەگە اسىرىلدى.
العىس سوزدەن كەيىن, ارناۋ» دامۋ ورتالىعىنىڭ جەتەكشىسى ۇلان ابىشەۆ, جوبا ماقساتتارىنا – قازاقستاندا قايىرىمدىلىق ۇدەرىستەرىن جۇيەلىلەۋ جانە ستاندارتتاۋ, ادامداردى يگى ىستەر جاساۋعا تالپىندىرۋ, مۇقتاج ادامدارعا بىرلەسە كومەكتەسۋ, سونىمەن بىرگە, جاستار مەن قوعام اراسىندا قايىرىمدىلىق مادەنيەتىن ارتتىرۋ – توقتالىپ ءوتتى.
سونىمەن قاتار, جوبا باسشىسى تىڭداۋشىلار نازارىن التى اي ىشىندە جۇزەگە اسىرىلىلعان ءىس-شارالارعا اۋدارىپ, ونىڭ باستى كورسەتكىشتەرىنە توقتالىپ ءوتتى:
ەكى ءتىلدى «Amal2020.kz» سايتى جانە «Amal» موبيلدىك قوسىمشاسى جاسالىندى. وندا جوبا بويىنشا بارلىق وزەكتى اقپارات, قايىرىمدىلىق ۇيىمدارىنىڭ مالىمەتتەر بازاسى جاريالانىپ, بارلىق قالاۋشىلارعا كومەك سۇراۋ نەمەسە ۇسىنۋ فورماسى ورنالاستىرىلدى.
قايىرىمدىلىقپەن جانە ونىڭ قوعامداعى تۇرپاتى, جاقسىلىق تۋرالى بالالار ويى, الەۋمەتتىك ەكسپەريمەنت جانە قازاقتىڭ كونە ءداستۇرى «اسارمەن» بايلانىستى 10 بەينەروليك ازىرلەنىپ, الەۋمەتتىك جەلىلەردەگى جوبانىڭ رەسمي پاراقشالارىندا كورسەتىلدى.
جاستار اراسىندا «جاقسىلىق جاسا» كرەاتيۆتىك يدەيالار باسەكەسى ەلىمىزدىڭ جەتەكشى ۋنيۆەرسيتەتتەرىنىڭ دەباتتىق توپتارىنىڭ اراسىندا وتكىزىلدى. جاستار قايىرىمدىلىق تۋرالى ءوز يدەيالارىمەن, ونىڭ ارتىقشىلىقتارى مەن دامۋ مەحانيزمدەرىمەن ءبولىستى.
الەۋمەتتىك جەلىلەردەگى جوبانىڭ رەسمي پاراقشالارىندا قايىرىمدىلىق ىستەرىن جۇزەگە اسىراتىن بەلگىلى مەديا تۇلعالار قاتىسۋىمەن تىكەلەي ەفيرلەر توپتاماسى جۇرگىزىلدى. ولار وزدەرىنىڭ قايىرىمدىلىق شارالارىن جۇزەگە اسىرۋ جانە مەتسەناتتىق يدەيالارى دامىتۋ تاجىريبەلەرىمەن, سونىمەن بىرگە, جاستار مەن بالالار اراسىندا ونى ناسيحاتتاۋ تاسىلدەرىمەن ءبولىستى.
ەلىمىزدىڭ 20 جەتەكشى ۋنيۆەرسيتەتتەرىنىڭ 600 استام ستۋدەنتتەر ءۇشىن قايىرىمدىلىق تۋرالى لەكتسيالار ۇيىمداستىرىلدى. لەكتورلاردى قاتارىندا بەلگىلى ەكونوميست ولجاس حۇدايبەرگەنوۆ, «باس رەداكتورلار كلۋبى» قب پرەزيدەنتى بيبىگۇل جەكسەنباي, «بولاشاق» كورپوراتيۆتىك فوندىنىڭ ديرەكتورى ازامات بوجاقوۆ, شىمكەنت قالاسىندا ۇلتتىق ۆولونتەرلىك جەلىنىڭ وكىلەتى دانارا سارانوۆا جانە قازاقستان مەن اقش اراسىندا قارىم-قاتىناسىن دامىتۋ بويىنشا ساۋدا كەڭەسىنىڭ پرەزيدەنتى دەۆيد ۆالەرا جانە باسقالارى.
«جاقسىلىق جاسا» چەللەندجى اياسىندا «كىشكەنتاي سيقىرشىلار» سۋرەتتەر بايقاۋى وتكىزىلدى. 5 جانە 12 جاس ارالىعىنداعى بالالار وزدەرىنىڭ سۋرەتتەرىن Instagram الەۋمەتتىك جەلىسىندە جاريالاندى. وسىلاي, ولار قايىرىمدىلىق تۋرالى ءوزىنىڭ ويىمەن ءبولىستى.
بايقاۋ اۋديتوريا اراسىندا كەڭ تارالىپ, بالالار مەن ولاردىڭ اتا-انالارى بەلسەندىلىك تانىتتى. بارلىعى بايقاۋعا 80-نەن استام سۋرەت قاتىسىپ, ونىڭ جەڭىمپازى تاراز قالاسىنان سافينا كاريموۆا بولدى.
باق جانە الەۋمەتتىك جەلىلەر مەن باق-ندا كەڭ اقپاراتتىق كامپانيالار جۇزەگە اسىرىلدى. كۇندەلىكتى الەۋمەتتىك جەلىلەردە پوستتار مەن ماتەريالدار جاريالانىپ, بارلىعى جوبا تۋرالى باق-ندا 700-دەن استام ماتەريال جارىق كوردى.
قازاقستان اازاماتتىق اليانسىنىڭ ۆيتسە-پرەزيدەنتى گامال تۇزەلباەۆ ءوز ءسوزى بارىسىندا جوبانىڭ الەۋمەتتىك ماڭىزدىلىعىنا توقتالىپ, بولاشاقتا قايىرىمدىلىقتى جۇزەگە اسىرۋدا قوعامنىڭ اتسالىسۋىنا كوڭىل ءبولدى. سپيكەر قايىرىمدىلىق مەكتەبىنىڭ ىسكە قوسىلىپ, ستۋدەنتتەرگە قايىرىمدىلىق تۋرالى 10 ترەنينگتەر وتكىزىلگەنىنە توقتالدى. قاتىسۋشىلاردىڭ ءتىرى قىزىعۋشىلىعى دا نازارعا الىندى.
ءوز كەزەگىندە نۇر-سۇلتان قالاسى بويىنشا «رۋحاني جاڭعىرۋ» جوبالىق كەڭسەسىنىڭ ديرەكتورى اقەركە جۇمانباەۆا «رۋحاني جاڭعىرۋ» باعدارلاماسى اياسىنداعى قايىرىمدىلىق باعىتتارىنا اسا كوڭىل ءبولىپ, ولاردىڭ قوعامدىق سانانىڭ مودەرنيزاتسيالانۋىمەن قالايشا ۇيلەسەتىندىگىن ايتىپ ءوتتى. سونىمەن قاتار, باستى نازار جاقىندارعا كومەكتەسۋ قاجەتتىلىگىندە بولدى, سەبەبى, تەك وسىلاي عانا قوعام بىرلەستىگى پايدا بولادى دەلىندى.
ەسكە سالا كەتەيىك, «جاستار مەن بالالار اراسىندا قايىرىمدىلىقتى دارىپتەۋ» الەۋمەتتىك جوباسى قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ قولداۋىمەن «ازاماتتىق باستامالاردى قولداۋ ورتالىعى» كەاق گرانتى اياسىندا جۇزەگە اسىرىلادى.