مۇعالىم جاساعان سابىن

ماقات اۋدانىنداعى ل.شا­حاتوۆ اتىنداعى №76 ورتا مەكتەپتە حيميا پانىنەن ءدارىس بەرەتىن ول سابىننىڭ بىرنەشە ءتۇرىن جاساپ شىعاردى. حي­ميا­لىق قوسپاسى جوق سابىندار ەكو­لو­گيالىق تۇرعىدان تازالىعىمەن ەرەكشەلەنەدى.

– گيپواللەرگەندى ءونىمدى كۇندەلىكتى تۇرمىستا حوش ءيىستى سابىن رەتىندە قول­دانۋعا بولادى. سابىندى جاساۋ كەزىن­دە تابيعي ونىمدەردى پايدا­لا­نامىن. ماسە­لەن, ليمون دەنەگە بالعىندىق, قۇرا­مىنداعى س دارۋمەنى اعزاعا ءنار بەرەدى. ەكىنشى ءتۇرى – اقجەل­كەن قوسىلعان سابىن. ونىڭ قۇرا­مىندا دارۋمەندەر توپ­تاماسى بار. اقجەلكەندى كەپتىرۋ ار­قىلى جاسالعان سابىندى جاڭا تۋعان نارەستەگە دە, كەز كەلگەن جاستاعى ادامعا دا پاي­دالانۋعا بولادى. ال ونىمگە قوسى­لاتىن ەفير مايى حوش ءيىس بەرەدى, – دەيدى حيميا ءپانىنىڭ مۇعالىمى مارفۋعا اعىنوۆا.

جاس مامان اتالعان مەكتەپتەگى جۇ­مىسىن بيىل باستادى. بىراق سابىن جا­ساۋمەن اينالىسقانىنا ءبىر جىلعا جۋىقتاعان ەكەن.

– حيميا – وتە قىزىقتى سالا. كۇن­دەلىكتى تۇرمىستا قولداناتىن وسىنداي ەكولوگيالىق تازا ونىمدەر جاساۋعا باۋ­لۋ ارقىلى وقۋشىلاردى اتالعان سا­لاعا قىزىقتىرۋعا بولادى. سابىن جا­ساۋدىڭ قىر-سىرىن تولىق مەڭگەرگەن سوڭ ونى وقۋشىلارىما ۇيرەتۋگە دايىنمىن, – دەيدى  جاس مامان.

اتىراۋ وبلىسى