بيۋدجەت قاراجاتىن دۇرىس يگەرمەگەندەر جاۋاپقا تارتىلادى. كەشە ۇكىمەت وتىرىسىندا پرەمەر-مينيستر سەرىك احمەتوۆ بۇل جونىندە تاعى دا ەسكەرتتى.
بيۋدجەت قاراجاتىن دۇرىس يگەرمەگەندەر جاۋاپقا تارتىلادى. كەشە ۇكىمەت وتىرىسىندا پرەمەر-مينيستر سەرىك احمەتوۆ بۇل جونىندە تاعى دا ەسكەرتتى.
وتىرىستا 2013-2015 جىلدارعا ارنالعان ناقتىلانعان رەسپۋبليكالىق بيۋدجەتتى ىسكە اسىرۋ تۋرالى قاۋلى قابىلداندى. وسىعان وراي ۇكىمەت باسشىسى رەسپۋبليكالىق بيۋدجەتتىك باعدارلامالاردىڭ اكىمشىلەرىنە, وبلىستاردىڭ, الماتى جانە استانا قالالارىنىڭ اكىمدەرىنە بيۋدجەت قاراجاتتارىن ۋاقىتىلى يگەرۋ بويىنشا قاجەتتى شارالاردى قابىلداۋدى قامتاماسىز ەتۋدى تاپسىردى. رەسپۋبليكالىق بيۋدجەت باعدارلامالارىنىڭ اكىمشىلەرىنە زاڭنامامەن بەكىتىلگەن تارتىپتە قالىپتاستىرىلعان تۇزەتىلگەن ستراتەگيالىق جوسپارلاردى ۇكىمەتكە ەنگىزۋدى قامتاماسىز ەتۋ قاجەت.
ۇكىمەت باسشىسى مەملەكەتتىك ورگاندار باسشىلارىنا, مينيسترلەرگە, وبلىس اكىمدەرىنە 2013 جىلدىڭ بيۋدجەتىن قالتقىسىز ورىنداۋ قاجەتتىگىن ەسكەرتتى. وعان قوسا ول جىلدىڭ سوڭىندا ونىڭ قورىتىندىسى بويىنشا ناقتى شەشىمدەر, ونىڭ ىشىندە جاۋاپقا تارتۋ ماسەلەسi دە قارالاتىنىن باسا ايتتى.
وتىرىستا قاۋلى جوباسى بويىنشا ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆ باياندادى. بيۋدجەت قاراجاتىن جۇمساۋدىڭ ارتىقشىلىقتارىن انىقتايتىن بۇل قۇجات بيۋدجەتتىڭ تەڭگەرىمدىلىگىن قامتاماسىز ەتۋگە جانە مەملەكەت باسشىسىنىڭ تاپسىرمالارىن ىسكە اسىرۋعا باعىتتالعان. ياعني, 2013 جىلعى بيۋدجەتكە ەنگىزىلگەن وزگەرىستەردى ورىنداۋ ءۇشىن قابىلدانعان. مينيستردىڭ مالىمەتىنشە, 2013 جىلعا ارنالعان رەسپۋبليكالىق بيۋدجەت تۇسىمدەرى 5 242,5 ملرد. تەڭگە كولەمىندە نەمەسە اعىمداعى بيۋدجەتپەن سالىستىرعاندا 14,4 ملرد. تەڭگەگە وسۋمەن ايقىندالدى. ۇلتتىق قوردان كەپىلدەندىرىلگەن ترانسفەرتتىڭ مولشەرى بەكىتىلگەن 1 380 ملرد. تەڭگە دەڭگەيىندە ساقتالادى. رەسپۋبليكالىق بيۋدجەت شىعىستارى اعىمداعى بيۋدجەتپەن سالىستىرعاندا 65,6 ملرد. تەڭگەگە تومەندەي وتىرىپ, 6 033,4 ملرد. تەڭگە سوماسىندا كوزدەلىپ وتىر. ە.دوساەۆ سونداي-اق, قۇجات «بيۋدجەت كودەكسىنىڭ تالاپتارىنا سايكەس قالىپتاستىرىلعانىن, ول جەرگىلىكتى اتقارۋشى ورگاندارعا بەرىلەتىن نىسانالى ترانسفەرتتەردىڭ سومالارى, 2013-2015 جىلدارعا ارنالعان باسىم رەسپۋبليكالىق بيۋدجەتتىك ينۆەستيتسيالار تىزبەسى جانە 2013 جىلعا ارنالعان مەملەكەتتىك تاپسىرمالار تىزبەسى بويىنشا ناقتىلاۋ كەزىندە جۇرگىزىلگەن وزگەرىستەردى قامتيتىنىن اتاپ ءوتتى. بۇدان وزگە, وندا «جوبادا بيۋدجەت قاراجاتىن يگەرۋدى جاقسارتۋ ماقساتىندا باعدارلامالار مەن كىشى باعدارلامالار ىشىندە بۇرىن ءجۇرگىزىلگەن قايتا بولۋلەر ەسكەرىلدى.
دينارا بىتىكوۆا,
«ەگەمەن قازاقستان».