ستوماتولوگيالىق كابينەت اشىلدى

ماڭعىستاۋ وبلىستىق دەن­ساۋ­لىق ساقتاۋ باسقارماسىنىڭ ءباسپاسوز قىزمەتىنىڭ حابارلاۋىنشا, بۇگىندە اقتاۋ قالاسى بو­يىن­شا بارلىعى 7 ەمحانا بار, ونىڭ ىشىندە ەكەۋى مەملەكەتتىك بولسا, قالعانى – جەكەمەنشىك. بۇرىن تۇرعىندار قالانىڭ شەت جاعىنداعى وبلىستىق ستوما­تو­لو­گيالىق ورتالىققا ءتىس دارى­گە­رى­نە باراتىن بولسا, ەندى ءتىس دارى­گە­رىنىڭ قىزمەتى №2 ەمحانادا دا قول­جەتىمدى بولماق.

ەمحانانىڭ ەكىنشى قاباتىندا ورنالاسقان ستوماتولوگيالىق كابينەت كرەسلومەن جابدىقتالعان جانە ارنايى ستوماتولوگيالىق قوندىرعىسى بار. ناۋقاستارعا تەگىن مەديتسينالىق كومەكتىڭ كەپىل­دەندىرىلگەن كولەمى جانە مىن­دەت­تى الەۋمەتتىك مەديتسينالىق ساق­تاندىرۋ اياسىندا, ياعني ەكى پاكەت نەگىزىندە ساپالى كومەك الۋىنا بولادى. ناۋقاستاردى ءتىس دارىگەرى جانە مەدبيكە قابىلدايدى, ولار كەز كەلگەن جەدەل كومەك كورسەتە الادى. اتالعان ەمحانادا ستوماتولوگ كابينەتىنىڭ اشىلعانىنا كوپ ۋاقىت وتە قويماسا دا پاتسيەنتتەر سانىنىڭ ارتۋى بايقالادى.

كابينەتكە ءتىس دارىگەرى رەتىندە جۇمىسقا جوعارى ساناتتى دارىگەر ءشامىل نادير شاقىرىلدى. ول الدىمەن 2002 جىلى اقتاۋ «مەيىربيكە» مەديتسينالىق كول­لەد­جىن ء«تىس تەحنيگى» ما­مان­دىعى بويىنشا ءبىتىرىپ, 2007 جى­لى مارات وسپانوۆ اتىن­دا­عى باتىس قازاقستان مەدي­تسي­­نالىق ۋنيۆەرسيتەتىندە جو­عار­­ى ءبىلىم العان. ەڭبەك جولىن قاراقيا اۋداندىق ەمحاناسىندا ءتىس دارىگەرى رەتىندە باستاعان ءشامىل 12 جىلدان بەرى ءتىسى اۋىرعانداردىڭ جانىنان تابىلىپ كەلەدى. ەمدەلۋشىلەردىڭ ىقىلاس-سەنىمى دە تومەن ەمەس, ءتىسى اۋىرعاندا الدىنا قينالىپ كەل­گەندەر, كوپ ۇزاماي العىسىن ايتىپ ك ۇلىپ كەتىپ جاتادى.

– ءبىز عانا ەمەس, ناۋقاستار دا ساپالى مەديتسينالىق كومەكتىڭ قول­جەتىمدىلىگىن جاقسارتۋ ءۇشىن اقتاۋ قالالىق №2 ەمحاناسىنىڭ بازا­سىندا ستوماتولوگيالىق كابي­نەت­تىڭ ءوز جۇمىسىن باستاعانىنا قۋانىپ جاتقانىن ايتادى. ءبىز ءوز الدىمىزعا ەڭ الدىمەن ساپالى قىزمەت كورسەتۋدى مىندەت ەتىپ قوي­دىق. وبلىستىڭ دەنساۋلىق ساقتاۋ باسقارماسى تاراپىنان قولداۋ بار, جۇمىس ىستەۋ ءۇشىن بارلىق جاعداي جاسالعان, – دەيدى ش.نادير.

كۇنىنە 30-عا جۋىق ادام ءتىس دارى­گەرىنە كەلىپ, ساپالى قىزمەت الۋى­نا بولادى. ناۋقاستارعا ءتىس اۋرۋىنىڭ دياگنوزى قويىلىپ, بىرەۋلەر ءتىسىن جۇلدىرسا, ەندى بىرەۋلەر مەديتسينالىق تەكسەرۋدەن ءوتىپ جاتادى. كابينەتتە تەگىن ستوماتولوگيالىق كومەك 18 جاسقا دەيىنگىلەرگە, جۇكتى ايەلدەرگە جانە حالىقتىڭ الەۋمەتتىك وسال توپتارىنا كورسەتىلەدى. ەمحانادا ماماندار ءاربىر ادام ءتىس جانە پارودونت اۋرۋلارىنىڭ الدىن الۋ ءۇشىن جىلىنا 2 رەت ءتىس دارى­گە­رىنىڭ قاراۋىنان ءوتۋى ءتيىس ەكە­نىن ايتادى. سونداي-اق شۇعىل ستو­ماتولوگيالىق كومەك مەملەكەت ەسەبىنەن تەگىن مەديتسينالىق كومەكتىڭ كەپىلدەندىرىلگەن كولە­مى شەڭبەرىندە كورسەتىلەدى. ەكىن­شى دۇنيجۇزىلىك سوعىس قاتى­سۋشىلارى, ءى, ءىى, ءىىى توپتاعى مۇگەدەكتەر, «ال­تىن القا», «كۇ­مىس القا» مە­دا­­لىمەن مارا­پات­تالعان كوپبالالى انالار, اتاۋ­لى الەۋمەتتىك كومەك الۋشىلار, جاسى بويىنشا زەينەتكەرلەر, ينفەكتسيالىق, الەۋ­مەت­تىك ءمانى بار اۋرۋلارمەن جانە اي­نا­لا­سىنداعىلارعا قاۋىپ تون­دى­­رەتىن اۋرۋلارمەن اۋىراتىن ناۋ­­قاستارعا تەگىن كومەك الۋىنا كە­دەرگى جوق.

وزدەرىنە جۇكتەلگەن زاڭدى تالاپتار مەن مىندەتتەردى باس­شى­لىققا العان كابينەت ءتىسى اۋىر­عانداردىڭ تىكەلەي كەلىپ, مازا­لا­عان ءتىستى «تارتىپكە سالاتىن» ورنىنا اينالۋدا.

ماڭعىستاۋ وبلىسى