بىرەۋدىڭ الا جازجاي تىرباڭداپ, قوراسىنداعى مالىنا جيناعان ءشوبىن ورتەپ جىبەرۋ دە ۇلكەن قىلمىس. بۇل بىرەۋدىڭ ماڭداي تەر, تابان اقىسى جوق قىلۋ دەگەن ءسوز.
وسىنداي ورەسكەل وقيعا ع.مۇسىرەپوۆ اۋدانىنداعى قاراباي (چەرنوباەۆكا) اۋىلىندا بولدى. بەلگىسىز قىلمىسكەر وسى اۋىلدىڭ 37 جاستاعى تۇرعىنىنىڭ ءبىر مايا ءشوبىن ورتتەپ جىبەرىپ, يەسىنە 600 مىڭ تەڭگەدەن استام شىعىن كەلتىرگەن. ءشوپتىڭ جالپى كولەمى 25 توننا بولعان.
پوليتسيانىڭ جەدەل-تەرگەۋ توبى بۇل ىسكە كۇدىكتىلەردى وڭاي تاپتى. ولار 1989 جىلى تۋعان وسى اۋىلدىڭ ەكى ماسكۇنەم تۇرعىنى بولعان. ولار سپيرتتىك ىشىمدىك ىشكەننەن كەيىن جابىرلەنۋشىنى جاقتىرماۋلارىنان وعان زيان كەلتىرگەنىن ايتقان. قازىر ەكى اڭگۇدىكتىڭ ۇستىنەن قىلمىستى ءىس قوزعالىپ, كەلۋى تۋرالى مىندەتتەمە تۇرىندەگى ماجبۇرلەۋ شاراسى قولدانىلدى.
ابىروي بولعاندا, ءورت قورا-قوپسىعا, ۇيگە تاراعان جوق. ۇيدە يەسىنەن باسقا وتباسى مۇشەلەرى بولاتىن. ءورت سوندىرۋشىلەر ءورتتى تەز ارادا اۋىزدىقتاعان.
سولتۇستىك قازاقستان وبلىسى