قازىر سولتۇستىكتە ساقىلداعان سارى اياز بولماسا دا, اق قار, كوك مۇزدى قىس بولىپ تۇر. مۇندايدا ۇيلەرىنەن اداسقان جانداردىڭ ءۇسىپ قالۋى وپ-وڭاي, دەپ جازادى Egemen.kz
م.جۇماباەۆ اۋدانىنىڭ ورتالىعى بۋلاەۆتا دا سونداي ءبىر وقيعا بولدى. تۇنگى مەزگىلدە ۇيىنەن جەڭىل كيىممەن دالاعا شىققان 91 جاستاعى كەيۋانا قايتىپ ەسىگىن تابا الماي, جاعالاپ كوشەگە شىعىپ كەتكەن. ءبىر ءۇيدىڭ ەسىگىن قاققاندا ءۇي يەلەرى پوليتسياعا حابارلايدى.
كەيۋانانى سول ءتۇنى كەزەكشىلىكتە بولعان ۋچاسكەلىك پوليتسيا ينسپەكتورى, پوليتسيا كاپيتانى ۆيتالي وحريمەنكو مەن پاترۋلدىك پوليتسيا ينسپەكتورى پوليتسيا لەيتەنانتى دۋلات بەرىكوۆ تاڭعى ساعات 4 شاماسىندا پب جەتكىزگەن. پوليتسيا بولىمىندە جىلىنعان زەينەتكەر نە مەكەنجايىن, نە تۋىستارىنىڭ تەكتەرىن ايتا المايدى. "مەن اداسىپ كەتتىم!" دەگەندى عانا قايتالاي بەرگەن. ءار ءتۇرلى ەسىمدەر مەن تەكتەردى اتايدى. ولاردىڭ بىرىنەن اۋداندىق پوليتسيا ءبولىنىسىنىڭ كەزەكشى بولىمىندەگىلەر ۇيىندە قارتى بار ءبىر مەكەنجايدى انىقتايدى.
اجەيدى ۇيىنە اكەلگەن كەزدە ۇيىقتاپ جاتقان تۋىستارى 91 جاستاعى انالارى مەن اجەلەرىنىڭ جۇقا كيىممەن دالاعا شىعىپ, اداسىپ كەتكەنىن بىلمەگەن دە. بۇرىن مۇنداي جاعداي بولماعان ەكەن. اجەلەرىن پوليتسيا ەرتىپ كەلگەنىن كورگەن تۋىستارىنىڭ قانداي سەزىمدە بولعاندارىن ايتۋدىڭ ءوزى ارتىق. ونى ۇيدەن اجەپتاۋىر الىس جەردەن تاپقاندارىن ايتقاندا, تۋىستارى ءتىپتى ابدىراپ قالعان.
كەلەسى كۇنى جوعالىپ كەتكەن اجەيدىڭ قىزى پوليتسەيلەرگە العىسقا تولى حات جولداعان.