«QOLDA 2.0» شۇعىل كومەك باعدارلاماسىنىڭ ەكىنشى كەزەڭى اياسىندا ۇيىمداستىرىلعان گرانت سايىسى اياقتالدى. گرانتتىق جوبالار اۋىلدىق ايماقتارداعى تۇرمىستىق زورلىق-زومبىلىقتىڭ الدىن الۋ مەن ۆولونتەرلىك مادەنيەتىن, قوزعالىسىن جانداندىرۋدى ماقسات ەتەدى.
سايىسقا بارلىق وڭىردەن 61 ɵتiنiش تۇسكەن. شىمكەنت, الماتى قالاسى مەن تۇركىستان, شىعىس قازاقستان جانە قاراعاندى وبلىستارىنان 6 ۇەۇ جەڭiمپاز اتاندى. ولار 9 قاراشا مەن 2021 جىلدىڭ 30 ءساۋىرى ارالىعىندا جوبالارىن جۇزەگە اسىرۋعا مۇمكىندىك الدى. قوعامدىق ۇيىمدارعا بەرىلەتىن جالپى گرانت سوماسى 30 ملن تەڭگە شاماسىندا. بولىنگەن قاراجات اۋىلدىق ايماقتاردا تۇرمىستىق زورلىق-زومبىلىقتىڭ الدىن الۋ جانە ونى جويۋ (4,4 ملن تەڭگەگە دەيىن) جانە ايماقتارداعى حالىققا توتەنشە جاعداي كەزىندە اقپارات بەرىپ, قولداۋ كورسەتۋگە جانە ايماقتىق ۇكىمەتتىك ەمەس ۇيىمداردىڭ توتەنشە جاعدايدا ءتيىمدى ارەكەت ەتۋ قابىلەتتىلىگىن ارتتىرۋ مەن ايماقتارداعى ەرىكتىلەر قوزعالىسىن دامىتۋعا باعىتتالعان ونلاين ۇزاقمەرزىمدى شەشىمدەردى (5 ملن تەڭگەگە دەيىن) ىسكە اسىرۋعا جۇمسالادى.
ىرىكتەۋ بارىسىندا قازىلار القاسى جەڭىمپازداردىڭ ءوتىنىشتىڭ يدەياسى «Qolda 2.0» ماقساتى مەن تالابىنا سايكەس كەلۋىن, اقىلعا قونىمدى ءارى ۇنەمدى بيۋدجەت بولۋىن, الەۋمەتتىك اسەرى مەن ۇزاقتىعىنا, تۇراقتىلىعىنا باسا نازار اۋدارعان.
وسى جىلدىڭ ءساۋىر ايىندا ورتالىق ازيانىڭ ەۋرازيا قورى «شەۆرون» كومپانياسىمەن سەرىكتەستىكتە نۇر-سۇلتان جانە الماتى قالالارىندا «QOLDA» ءبىرىنشى كەزەڭىن ىسكە قوستى (Qolda 1.0). ۇەۇ-عا بولىنگەن گرانت مەديتسينا قىزمەتكەرلەرىنە, كوپبالالى وتباسىلارعا گۋمانيتارلىق كومەك, مۇگەدەكتىگى بار جاندارعا, ميگرانتتارعا, ەسىرتكىگە تاۋەلدى ازاماتتارعا قولداۋ كورسەتۋگە, شاعىن جانە ورتا بيزنەسكە كونسۋلتاتسيالىق كومەك كورسەتۋ مەن ايەل ادامداردى جۇمىس ورىندارىمەن قامتاماسىز ەتۋگە جۇمسالدى. 1900-گە جۋىق الەۋمەتتىك تۇرعىدان وسال وتباسىلارعا كومەك كورسەتىلدى, الماتى قالاسى جانە الماتى وبلىسىنداعى پروۆيزورلىق كلينيكالاردىڭ مەديتسينا قىزمەتكەرلەرىنە 2300 تۇسكى جانە كەشكى اس بەرىلىپ, ولارعا 500 جەكە قورعانۋ قۇرالى تاراتىلدى, مۇگەدەكتىگى بار جاندار مەن ەسىرتكىگە تاۋەلدى ازاماتتارعا 1500 كونسۋلتاتسيا بەرىلدى, 100 ەڭبەك ميگرانتىنا قولداۋ كورسەتىلدى, شاعىن بيزنەسكە 1400 كونسۋلتاتسيا بەرىلدى, بيزنەستى دامىتۋعا باعىتتالعان 300 جەكە جوسپار قۇرىلدى. باق-قا بولىنگەن گرانتتار COVID-19 تۋرالى مەملەكەتتىك تىلدەگى كونتەنتتىڭ ساپاسىن ارتتىرىپ, COVID-19-عا قارسى كۇرەستەگى قوعامدىق ۇيىمدار, مەملەكەت جانە بيزنەس وكىلدەرى وتكىزگەن شارالار تۋرالى اقپاراتتاندىرۋعا باعىتتالعان.
«Qolda» جەدەل كومەك باعدارلاماسى ورتالىق ازيانىڭ ەۋرازيا قورى (واەق) «شەۆرون» كومپانياسىمەن بىرلەستىكتە قازاقستان تۇرعىندارىنا كارانتيننىڭ نەگاتيۆتى اسەرىن ازايتۋ ماقساتىندا جاسالىپ وتىر.