پەتروپاۆلدا قوعامدىق ءتارتىپتى كۇزەتۋگە جانە جول قاۋىپسىزدىگىن قامتاماسىز ەتۋگە 113 باعىت بويىنشا كۇن سايىن 379 پوليتسەي مەن اسكەري قىزمەتشى شىعادى. ءتارتىپ ساقشىلارى تاڭعى ساعات 8-دەن تۇنگى 23-كە دەيىن ەكى اۋىسىمدا قىزمەت اتقارادى. ال پاترۋلدىك پوليتسيا باتالونىنىڭ اۆتوپاترۋلدەرى قالا كوشەلەرىندە تاۋلىك بويى كەزەكشىلىك ەتەدى, دەپ حابارلايدى Egemen.kz
بۇگىن "دينامو" ستاديونىندا پەتروپاۆل گارنيزونى پوليتسياسىنىڭ كەشەندى كۇشتەرىنىڭ كەزەكتى گارنيزوندىق تاراتۋى بولىپ ءوتتى. بارلىق سانيتارلىق نورمالاردى ساقتاپ, كەشكى پاترۋلگە شىعاتىن پوليتسەيلەر مەن اسكەري قىزمەتشىلەر ساپقا تۇردى. ولارعا باعدارلار وقىلىپ, بۇيرىقتار مەن تاپسىرمالار بەرىلدى.
مۇندا ادەتتەگىدەي جاعىمدى ساتتەر دە ورىن الدى, ىشكى ىستەر ءمينيسترىنىڭ بۇيرىعىمەن پەتروپاۆل قالاسى. پوليتسيا باسقارماسى اكىمشىلىك پوليتسيا ءبولىمىنىڭ باستىعى رۇستەم تاسبولاتوۆقا جانە سقو پد كريمينالدىق پوليتسيا باسقارماسى ءبولىمىنىڭ باستىعى اسىلبەك توقتامىسوۆقا "پوليتسيا پودپولكوۆنيگى" كەزەكتى ارنايى اتاقتارى بەرىلگەندىگى جاريا ەتىلدى.
سونداي-اق "ىشكى ىستەر ورگاندارىنداعى ءمىنسىز قىزمەتى ءۇشىن" 2 دارەجەلى مەدالىمەن پەتروپاۆل قالاسى پب ۋچاسكەلىك پوليتسيا ينسپەكتورى پوليتسيا مايورى سەرىك اۋباكىروۆ, پەتروپاۆل قالاسى پب پاترۋلدىك پوليتسيا باتالونى ۆزۆودىنىڭ كومانديرى پوليتسيا كاپيتانى ەرىك قۇسايىنوۆ ماراپاتتالسا, ءدال وسىنداي ءۇشىنشى دارەجەلى مەدالمەن پوليتسيا مايورى يۋري كلىكوۆ ماراپاتتالدى.
ساپتىق بايقاۋ بارىسىندا سقو پد باستىعىنىڭ ورىنباسارى, پوليتسيا پولكوۆنيگى ەڭبەك سەمبين قىزمەتكەرلەردىڭ نىساندى كيىمدەرىن, امۋنيتسيا مەن پاترۋلگە تۇسەتىن قىزمەتكەرلەردىڭ جارعىدان بىلىمدەرىن تەكسەردى. سونداي-اق, قالالىق جانە وبلىستىق پاترۋلدىك پوليتسيا باتالوندارىنىڭ قىزمەتتىك اۆتوكولىكتەرى جاعدايى تەكسەرىلدى.
سولتۇستىك قازاقستان وبلىسى