بۇگىنگى تاڭدا 43 پوليتسيا قىزمەتكەرى 9 بلوك-بەكەتتە تاۋلىك بويى كەزەكشىلىك اتقارۋدا. ولاردىڭ ءبارىنىڭ جانىندا مەديتسينا قىزمەتكەرلەرى دە بار. پەتروپاۆل قالاسىنىڭ اينالاسىندا 5 بلوك-بەكەت بولسا, م.جۇماباەۆ, مامليۋت, اققايىڭ اۋداندارىندا بارلىعى 4 بەكەت ۇيىمداستىرىلعان, دەپ حابارلايدى Egemen.kz
كۇزەتشىلەر ەكى اۋىسىممەن تاۋلىك بويى كەزەكشىلىك اتقارادى. بۇلاردان باسقا ەسىل, اقجار جانە ءۋاليحانوۆ اۋداندارىندا جانە رەسەي فەدەراتسياسىمەن اراداعى شەكارادا ءۇش سانيتارلىق بەكەت ۇيىمداستىرىلعان.
جەرگىلىكتى پوليتسيا باسقارماسىنىڭ باستىعى ايدىن بايماتوۆتىڭ ايتۋىنا قاراعاندا بلوك-بەكەتتەر قويىلعاننان بەرى 22 266 كولىك تەكسەرىلگەن, ولاردىڭ ىشىندە 11776 كىرگەن, قالعانى شىققان كولىكتەر. ترانزيتپەن وتكەن كولىك سانى 3720 بولعان. قالاعا كىرەتىن كولىكتەردەگى بارلىق ادامداردا پتسر تەستەن وتكەندىگى تۋرالى انىقتاما بولۋى كەرەك. تەك مەديتسينا قىزمەتكەرلەرى مەن ازىق-ت ۇلىك تاسىعاندارعا عانا بۇل تالاپ قويىلمايدى.
سولتۇستىك قازاقستان وبلىسى